Dili, 20 de Fevereiru 2026 (Média Democracia) – Estudante Universidade Nasional Timor Lorosa’e (UNTL) liuhusi Departamentu Lingua Portuguesa realiza komunikadu imprensa relasiona ho Dosenti ne’ebé menus, nune’e estudante husu atu rekruta tan profesor/a.
Tuir porta-voz Januario do Espirito Santo hateten, Civista akademiku UNTL hanesan univesidade publiku ne’ebé hala’o nia funsaun nu’udar sentru exclencia iha Ensinu Superior. Liu-liu prepara rekursu ba Timor-oan ho rekursu kualifikadu iha area oin-oin ne’ebé universidade iha ho funsaun refere hatudu katak funsionamentu universidade nian importante tebes liu-liu garante prosesu universidade ida nian, maibé iha situasaun balun ladun di’ak ne’ebé lao hela iha Fakuldade Edukasaun Departamentu Lingua Portuguesa.
Porta-voz ne’e mós hatutan, relasiona ho implementasaun lei numeru 9/2025 hateten reforma obrigatoriu ne’ebé atinji ona idade 65 maka Asosiasaun Akademiku Estudantil Fakukdade Edukasaun iha UNTL hamutuk ho estudante ativu ho finalista hakarak hola mós pozisaun, tanba afeita ba funsionamentu Departamentu Lingua Portugues.
“Departamentu Lingua Portuguesa Dosenti hamutuk 14 husi total ne’e professor 1 hala’o hela nia kursu Dotoramentu iha Nasaun Brazil no Professor 11 maka notifikadu ona hanesan professores reformadu no hela nain ida mak hala’o nia funsaun iha departamentu hanesan Vise-Diretora.” Dehan porta-voz Januario
Porta-voz afirma tan, menus professor ne’e fó ameasa ba Departamentu Lingua Portuguesa, tanba sei la garante ba funsionamentu Departamentu nian liu-liu prosesu ensinu, nune’e ho situasaun hirak ne’e mak Asosiasaun Akademiku Estudantil Fakuldade Edukasaun no Umanidade hamutuk ho Xefe Asosiasaun Estudantil Departamentu hola nia papel hanesan reprezentante hodi defende direitu lejitimu estudante nian liu-liu prosesu iha ensinu Departamentu Lingua Portuguesa.
Porta-voz ne’e reafirma, estudante submete ona karta ba Dekanu Fakuldade Edukasaun no Umanidade hanesan orgaun maximu Fakuldade nian iha loron 3 fulan fevereiru tinan 2026, ho nune’e husi Asosiasaun Akademiku Estudante husi Fakuldade Edukasaun no Umanidade hasoru direta hodi halo audensia ho estrutura Fakuldade, inklui hato’o mós ba Maknifiku Reitor iha loron 16 fulan fevereiru tinan 2026 liuhusi nivel Asosiasaun Estudantil ho Maknifiku Reitor, maibé seidauk iha klarifikasaun serteza. Nomos iha loron 19 fulan Fevereiru Asosiasaun Akademika konfirma ho parte Fakuldade ho Universidade maibé laiha resposta.
Reportajen : Estajiadu Marito
Foto : Marito