Díli, 03 Maio 2025 (Média Democracia) – Relasiona ho Selebrasaun ba loron Mundial Liberdade Imprensa ne’ebé selebra iha loron 3 fulan Maiu tinan ne’e Konsellu Imprensa Timor-Leste selebra ho Tema “intelijénsia artifisiál”
Diretór Konsellu Imprensa António Diaz hateten, Tinan ne’e tema sentrál ba selebrasaun Loron Mundial Libredade Imprensa nian foku sentral ba “intelijénsia artifisiál” nune’e nia tema sentrál ne’e dehan ita halo reportajen iha mundu ida ne’ebé brani tebes ho impktu intelijénsia artifisiál ba liberdade imprensa no liberdade espresaun.
“Ita kaer ba matenek na’in husi nasoēs unidas no UNESCO dehan katak, iha intelijénsia artifisiál nia mai vantajen lubuk ida, hanesan fasilita ema fahe informasaun ne’e fasil los ba fatin hotu atu asesu ba informasaun.” Dehan Diretór Konsellu Imprensa António Diaz
Diretór ne’e informa, Timor-Leste iha Sudeste Asiátiku okupa iha renking ida topu iha Liberdade Imprensa, nune’e 3 Maiu, liu-liu husi marsa ne’e sai mos momentu oportunu atu halo advokasi nune’e ema respeita jornalista nia direitu atu axerse sira nia funsaun.
“Ha’u hanoin Labele iha tan jornalista ne’ebé mate tanba ezerse nia funsaun, mak advokasi ne’ebé ita hakarak halo, nune’e ita mós sei selebra susesu barak ne’ebé halo ona atu hametin Liberdade Imprensa no Liberdade Espresaun. Ita mós ho omenajen ba Jornalista sira ne’ebé iha ita-nia rain rasik desde lansamentu loron mundial to’o mai agora.” Dehan nia
Nia hatutan, atu realiza selebrasaun ne’e KI servisu hamutuk ho SEKOMS, atu hala’o marsa ida ba selebra loron Liberdade Imprensa, marsa ne’e sei hahu husi rotunda Fraita hotu hatete loron 3 fula Maiu selebra loron Mundial Liberdade Imprensa ba tinan ida ne’e ba dala 36
“Tanba loron ida ne’e proklamas husi nasoéns Unidas, iha 1993 ho dokumentu ne’e mai husi tinan ida ne’e teman Sentral ba selebrasaun ba loron Mundial Liberdade Imprensa foka ba iha Intelizensia artifisiál.” Nia informa
Nia esplika, index Liberdade Imprensa tun ou sae la depende ba KI, index Liberdade Imprensa tenke sai kestaun ida ba Timoroan hotu, bainhira index Liberdade Imprensa di’ak ne’e dehan index ba demokrasia mós di’ak no “Se hakarak nasaun ida ne’e demokrasia buras, bele kaer hanesan kestaun ne’ebé orgullu ba ASEAN entaun hotu-hotu tenke kontribui ba Liberdade Imprensa no Liberdade Espresaun
Hatutan Presidente Asosiasaun Jornalista Timor- Leste (AJTL), Zevonia Vieira, dehan jornalista sira fó solidariedade ba malu no apoiu malu atu nune’e kontinua promove Liberdade Imprensa no Liberdade Espresaun iha Timor-Leste
“Lalika sente tauk bainhira ita-nia Liberdade Imprensa tun maibé haforsa ita-nia kapasidade no intelektualidade nomos fó Solidariedade ba malu apoiu malu hodi kontinua promove ita-nia Liberdade Imprensa no Espresaun iha Timor-Leste no kontinua fó sai informasaun ne’ebé los.” Dehan Presidente Asosiasaun Jornalista Timor- Leste (AJTL), Zevonia Vieira
Nia hatutan husu ba jornalista sira hotu atu mantein no kontra informasaun falsu iha era digital tanba jornalista nia servisu atu kombate informasaun falsus sira tanba ne’e nafatin husu atu jornalista sira servisu tuir etika jornalismu nian
Esplika liután jornalista tenke kontra informasaun falsu iha situasaun ita-nia moris iha era digital nomos hanesan AJTL sempre koalia katak lialoos sei la mate bainhira ita hakerek tuir duni ita-nia koridor jornalistiku ne’e. Bainhira atu kombate informasaun falsus sira maka jornalista labele tauk koalia lialoos nomos hakerek lia los atu nune’e bele kombate informasaun falsus sira iha rai ida ne’e.
Reportajen : Domingas
Foto : Domingas