Dili, 08 Maiu 2025 (Média Democracia) – Ministru Agrikultura Pekuária Peska no Florestas (MAPPF) realiza enkontru bilateral hamutuk Embaxador Estadu Unidus America (EUA) inklui kompaña jestor dezenvolvimentu ne’ebé servisu hamutuk ho Estadu Timot-Leste, atividade enkontru ne’e hala’o iha salaun uma-adat Comoro.
Assesor Prinsipal Ministru Agrikultura Pekuária Peska no Florestas (MAPPF), Agusto da Silva hateten, ohin realiza enkontru bilateral ida ne’e atu koalia kona-ba relasaun importasaun no exportasaun nian entre Timor-Leste no Estadu Unidu America.
“Ita koalia kona-ba importasaun no exportasaun aleinde ne’e diskute mós kona-ba oportuniade jestor dezenvolvimentu atu mai apoiu no dezenvole iha setór Agrikultura, Pekuária, Peska no Floresta. Iha diskusaun ne’e haree liubá na’an manu ne’ebé importa husi Estadu Unidu America mai iha iha Timor-Leste.” Dehan Assesor Prinsipal Ministeriu Agrikultura Pekuária Peska no Florestas, Agusto da Silva
Assesor Prinsipal Florestas hatutan hanesan nasaun ne’ebé importasaun produtu no sira ne’ebé exportasaun produtu mai Timor-Leste iha rekejitu tuir lei ne’ebé estetula ona iha lei nia laran. Entaun importador kompaña sira iha rai laran nomos exportador hanesan America hakarak lori sira-nia produtu tama mai Timot-Leste tenke priense rekejitu tuir lei importasaun no exportasaun nian.
“Iha Estadu Unidu America uluk haruka ona ita-nia tekniku sira hodi halo “sistem audit” signifika planta ne’ebé estabelese iha America kuandu priense ona rekejitu America nian, ita-nia ekipa ba halo avalisaun iha America dehan satisfas ho estabelesementu iha America. Entaun produtu husi America bele mai iha Timor-Leste maibé tenke tuir regulamentu lei nian.” Dehan Assesor Prinsipal
Nia afirma hanesan America hakarak hatama produtu mai Timor-Leste entaun sira-nia parseru iha ne’e, nune’e parseru husu ba kuarentina atu hatama pedidu nune’e bele importa produtu mai Timot-Leste enkuantu laiha parseru sira labele importa produtu mai, tanba presiza hetan autorizasaun ka lisensa husi kuarentina, nune’e produtu bele importa mai Timor-Leste.
“Bainhira ita fasilita importasaun no exportasaun tuir lei ita-nia regulador sira mós presiza asgura ita-nia nasaun ne’e labele hetan moras ruma husi produtu importasaun mai Timor-leste. Entaun ida ne’e lei estikula iha laran presiza priense rekejitu tuir lei.” Nia haktuir
Nia relata antes halo importasaun tekniku husi Timor-Leste ba halo audit hodi haree tuir kompaña sira atu exportasaun mai Timor-Leste. Tanba iha tinan kotuk Estadu Unidus America exporta ona na’an manu ho tonilada rihun 9 no iha tinan ne’e exporta tan tonelada rihun 2 mai Timor-Leste.
Iha fatin hanesan Embaxador Estadu Unidus America (EUA), Christopher Morehouse hateten, ohin realiza enkontru bilateral hamutuk ho inistru Agrikultura Pekuária Peska no Florestas iha Timor-Leste hodi kolia kona-ba importasaun no expotasaun produtu entre Estadu Unidus America no Timor-Leste.
“Ohin ami realiza enkontru bilateral ne’ebé importate tebes hodi koalia kona-ba oinsa importasaun no exportasaun produtu ruma tenke priense mós rekejitu ka regulamentu lei nian nune’e bele importasaun no exportasaun entre rai rua ne’e lao ho vantajen di’ak iha futuru.” Dehan Embaxador Estadu Unidus America (EUA), Christopher Morehouse
Embaxador hatutan durante ne’e Estadu Unidus America importa hela na’an manu mai Timor-Leste fiar katak liuhusi enkontru bilateral ida ne’e iha tan planu seluk, nune’e futuru bele importa tan produtu seluk mai Timor-Leste.
Esplika liután, ohin Ministeriu Agrikultura Pekuária Peska no Florestas (MAPPF) ho ekipa tomak hala’o enkontru bilateral hamutuk ho Estadu Unidus America (EUA) iha asuntu ne’e koalia kona-ba importasaun no exportasaun entre rai rua tenke priense rekejitu tuir lei nune’e labele mosu dezentendimentu ruma atu kria kooperasaun di’ak liután iha futuru.
Reportajen : Nelfiano
Foto : Nelfiano