Dili, 12 Maiu 2025 (Média Democracia) – Autoridade Protesaun Civil (APC) liuhusi ekipa Gabinete Relasaun Externa no Komunikasaun (GREK), relata dadus semanal kona-ba akontesimentu dezastre naturais iha Timor-Leste, durante semana rua nia laran, konferénsia ne’e hala’o iha salaun APC Caicoli Dili.
Xefe Gabinete Relasaun Externa no Komunikasaun (GREK), Nelson Nunes Orleans hateten, Autoridade Protesaun Civil rejistu kazu dezastre ba numeru ema afetadu hamutuk atus-ida tolunulu resin-hitu (137) kauza husi mudansa klimatika ho tipu ne’ebé diferente husi loron 28 Abril to’o 05 Maiu 2025.
“Durante semana ida ne’e nia laran husi loron 28 abril mai to’o 05 maiu 2025, dazatre ne’ebé akontese iha Timor-Leste normal tipu dezastre hanesan uma estragu total hamutuk 6, anin sobu-uma 1, bee sae-uma 20, ahi han-uma 5, ema mate 2 no kanek 2, priense kriteria hamutuk 6, apoiu emerjensia 24, numeru ema afetadu 137, ema evakua 44.” Dehan Xefe Gabinete Relasaun Externa no Komunikasaun (GREK) , Nelson Nunes Orleans
Nia hatutan kazu dezastre ne’ebé akontese iha Munisípiu hanesan Munisípiu Bobonaro ema mate ida, Munisípiu Liquiça ema mate ida ahi han-uma ida, Munisípiu Manatutu anin sobu-uma ida no ahi han-uma rua, iha Munisípiu Manufahi bee sa’e-uma 19, ema kanek 1, iha Munisípiu Viqueque bee sa’e-uma 1 no ahi han-uma rua inklui ema kanek ida, kazu dezastre ne’ebé akontese iha Munusípiu ho tipu ne’ebé diferente.
“Iha semana daruak nian komesa husi loron 05-12 fulan Maiu 2025 Autoridade Protesaun Sivil rejistu kazu dezastre hanesan uma estragu total hamutuk 3, anin sobu-uma 3 ho ema mate 1 no lakon 1, priense kriteria 1, apoiu emerjensia 2, numeru ema afetadu hamutuk 15 ema evakua 0, dadus ne’ebé APC rekolla iha semana daruak nian iha teritoriu Timor-Leste.” Dehan Xefe Gabinete
Nia afirma kazu dezastre ne’ebé akontese semana daruak nian iha Munisípiu Baucau ema lakon 1, aleinde ne’e iha Munisípiu Lautem ema mate 1 iha Munisípiu Liquiça anin boot sobu-uma 1 no iha Munisipiu Manufahi anin boot sobu-uma 1, inklui iha Rejiaun Administrativu Espesial Oe-cusse Ambeno anin boot sobu-uma 1, aleinde haree ba dazeste ne’ebé akontese iha semana daruak nian lao ho normal.
“Daudaun ne’e komandu Autoridade Protesaun Civil ne’ebé destakadu iha Munisípiu sira hamutuk ho nia parseiru relevante fornese ona asistensia emerjénsia ba familia afetadu sira ba dezastre naturais hanesan ai-han no laos ai-han (Food item & non-food item).” Haktuir Xefe Gabinete
Nia informa daudaun ne’e Komandu Operasional Autoridade Protesaun Sivil (APC) destakadu iha Munisípiu sei kontinua halo levantamentu detaillu kona-ba sasan ne’ebé estragu no lakon, nune’e governu bele rejolve problema hirak ne’e.
Esplika liután Komandu Operasional Autoridade Protesaun Sivil ne’ebé destakadu iha Munisípiu kontinua halo levantamentu detaillu kona-ba sasan ne’ebé estragu no lakon, hodi halo verifikasaun tuir tipu dezastre ida-idak nian, nune’e governu bele apoiu ba sasan ne’ebé estragu husi dezastre naturais.
Reportajen : Nelfiano
Foto : Nelfiano