Dili, 16 Maiu 2025 (Média Democracia) – Sarani katolika Timor-Leste hamutuk ho amu selebrante prezide misa ba maktoban amu Domingos da Silva Soares “Maubere” ne’ebé hakotuk nia iis iha Hospital Nasional Guidu Validares ohin dader madrugada, selebrasaun misa ne’e iha kapela Nossa Señora de Lourdes, HNGV.
Omelia husi padre Capelão Francisco selebrante ba maktoban padre Domingos da Silva Soares “maubere” hateten primeiru lori Padre sira hotu nia naran hato’o agradese ba Padre Domingos nia dedikasaun tomak durante ne’e hamutuk ho Padre sira, karik iha sala balun ne’ebé Padre sira halo ba amu Domingos ho oportunidade ida ne’e hakarak hato’o deskulpa ba amu Domingos da Silva Soares.
“Padre maubere iha ninia moris tomak ne’e halo tuir ukun fuan maromak nian, tanba ne’e mai ita hotu tau ita hotu nia hanoin hamutuk ho natureza atu bele halo tuir maromak nia ukun fuan hanesan padre maubere, ohin ita lakon ona amu lulik ida ne’ebé diak tebes ba ita hotu, atu hetan ema ida hanesan amu maubere ne’e susar tebes.” Hateten iha padre Capelão Francisco nia omelia
Padre maubere mak ema ida ne’ebé la hatene hamlaha, kole, intelegente tebes badinas ema ida ne’ebé la hatene moras tanba durante ne’e Padre Domingos nia moris tomak to’o nia kompleta tinan hitunulu resin-tolu, iha moris nia sempre halo diak nia servisu no esforsu-an tebes, maibé ohin Padre maubere husik hela nia peregrinasaun iha mundu.
“Agradese ba parte hotu-hotu ne’ebé ha’u labele temi naran, tanba imi hotu nia domin no orasaun durante padre maubere sei moris to’o ohin nia fila ona ba maromak nia kadunan santu imi nafatin mai halo orasaun ba nia, no ohin ita hotu hamutuk iha fatin ida ne’e selebra eukaristia, signifika katak primeiru ita hotu agradese ba maromak tanba husi maromak mak haraik padre Domingos mai iha ita leet nia halo misaun ho fuan ho domin tomak agradese mós ba familia sira, liuliu ba amu Domingos nia inan aman ne’ebé agora iha mós maromak nia kadunan santu, tanba bele fó dedikasaun tomak ba amu Domingos durante nia moris hala’o misaun ida ne’e no ohin termina ona.” Dehan padre Capelão Francisco
Nia lori parokia hotu nia naran hakarak hato’o obrigada-wain ba amu Domingos maubere ba dedikasaun domin no servisu tomak ne’ebé amu hala’o ona durante ne’e, liuliu ba iha sarani katolika sira laos familia mesak lakon maibé sarani katolika lakon ona nia bibi atan ida ne’ebé servi ho domin ba iha igreja liuliu ba sarani sira.
Atu deklara no esplika kle’an liután katak, sarani katolika Timor-Leste agora daudaun hamutuk ho amu selebrante prezide misa rekerente ba maktoban padre Domingos da Silva Soares “Maubere” iha kapela nossa señora de Lourdes HNGV, tuir orariu ne’ebé fó sai husi arquidiocese metropolitana Dili misa iha kapela nossa señora de lourdes HNGV tuku sanulu resin-ida, maktoban padre Domingos da Silva Soares “Maubere” ba Postu-Administrativu Letefoho, Munisipiu Ermera, iha loron sabadu 17 maiu sai husi letefoho tuku 11:00 to’o mai Dili tuku 12:00, iha loron sabado 17 maiu sei lori ba iha paróquia becora Dili, no iha loron 19 maiu sei misa funebre iha igreja sé Catedral Vila-verde Dili no sei halot maktoban padre maubere nia isin iha semiteriu padre maloa ailoklaran Dili.
Reportajen : Domingas
Foto : Domingas