Dili, 09 Juñu 2025 (Média Democracia) – Autoridade Protesaun Civil (APC) liuhusi ekipa Gabinete Relasaun Externa no Komunikasaun relata dadus semanal kona-ba akontesimentu dezastre naturais iha Timor-Leste durante semana ida nia laran, konferénsia ne’e hala’o iha salaun APC Caicoli Dili, Segunda semana ne’e.
Xefe Gabinete Relasaun Externa no Komunikasaun (GREK), Nelson Nunes Orleans informa, iha loron 02 fulan juñu to’o loron 09 fulan Juñu tinan ne’e, durante semana ida, rejistu familia uma-ka’in hamutuk (6) hetan estragus husi dezastre naturais ne’ebé akontese iha Munisipiu haat (4) iha semana ne’e.
“Durante akontesementu dezastre iha Munisípiu haat, APC registu uma-kain ne’ebé latama kriteria apoiu de’it emerjensia uma 5, numeru uma ne’ebé priense kriteria hamutuk ida, no ema afetadu hamutuk nain 6 no ema mate 1, nune’e APC Munisípiu apoiu kedas emerjensia ba vitima hetan dezastre hamutuk nain tolu no evakua nain rua. Munisipiu sira ne’ebé afeta ba dezastre naturais hanesan Munisipiu Baucau mate ida tanba mout iha bee, Munisipiu Bobonaru anin sobu uma ida, RAEOA anin sobu uma ida, Munisipiu viqueque anin sobu uma ida.’’ Dehan Xefe Gabinete Relasaun Externa no Komunikasaun (GREK), Nelson Nunes Orleans
Nia informa husi akontesimentu ne’e Autoridade Protesaun Sivíl sira ne’ebé destakadu iha Munisipiu hala’o kedas verifikasaun ba dadus no fó mós ajuda ba vitima sira ho pakote emerjensia ne’ebé prepara ona iha kada Munisipiu ida-idak.
“Atu esplika detallu ba iha dezastre ne’ebé akontese iha Munisipiu Baucau hanesan ohin ha’u temi ona dadus ne’ebé APC rekolla inan feto ida husi Baucau, Postu-Administrativu Baucau Villa, aldeia kasmutu, inan feto ida ho naran Elsa fernandes ho idade limanulu resin rua ne’ebé mout iha bee dalan la konsege salva, resulta inan feto ne’e mate. Munisipiu Bobonaru, Postu-Administrativu Balibo, Suku Leolima, anin sobu komunidade nian uma ida no vitima sira evakua hela ba fatin protegidu. Iha fali RAEOA iha regiaun parte makasar, Suku kuña, anin sobu komunidade nia uma ida no vitima afetadu sira evakua ba fatin seguru. Munisipiu Viqueque, Postu-Administrativu Viqueque Villa, Suku Umauain-kraik, Aldeia uhacae, anin sobu komunidade nian uma ida. Ne’e mak relatoriu dezastre durante semana ida nian ne’ebé APC rekolla iha munisipiu sira.” Dehan Xefe Gabinete Relasaun Externa no Komunikasaun (GREK)
Nia reafirma durante akontesimentu ne’e Autoridade Protesaun Sivil rekolla kedas dadus no halo verifikasaun ba iha dadus hirak ne’e, nune’e vitima sira hetan ona apoiu emerjensia nomos evakua ona vitima sira ba hela provizoriu iha komunidade balun ne’ebé la afeta ba dezastre sira nia uma, depois verifika dadus hotu APC sei fó apoiu material nomos imaterial ba vitima sira kada Munispiu ida-idak.
Reportajen : Domingas
Foto : Domingas