Dili, 12 Agostu 2025 (Média Democracia) – Komumidade Ex Aspol ne’ebé sai vitima ba Evikasaun fó tempu loron tolu ba Governu atu tun direita, karik latun maka komunidade sira sei hala’o sira nia atividade negosiu hanesan baibain. Konferensia ne’e hala’o Caicoli Dili
Portavoz Teresa Jacinta Fatima Soares hateten, iha nia komunikadu katak, Repúblika Demokrátika Timór-Leste (RDTL) Estadu ida ne’ebé demokratiku, soberanu, ukun-an no ida-mesak, harii husi povu nia hakarak no respeitu ba diginidade ema moris idaidak nian, ne’ebé hakerek nanais ona iha K-RDTL Artigu 1 Númeru 1.
Nia subliña, komunidade Ex-Aspol mai buka moris iha fatin ida ne’e, komunidade Ex-Aspol kolabora ho governu atu halo dezenvolvimentu ba rai ida ne’e.
“Ami komunidade Ex-Aspol durante ne’e kolabora 100% no kumpri desizaun ka orden Governu RDTL liuhusi Sekertariu Estadu Asuntu Toponomia no Organizasaun Urbana (SEATOU), konsege hamamuk fatin ho voluntariamente durante loron tolu ka haat nia laran hahu husi loron 17-20. koopera hamutuk ho Sua Excelensia Sekertaria Estadu Asuntu Toponomia no Organizasaun Urbana.” Dehan portavóz Teresa Jacinta Fatima Soares
Nia hatutan, depois ida ne’e komunidade Ex-Aspol hamamuk tiha iha fatin ida ne’e laiha parte kompetente liu-liu Ministreiriu Justisa, Sekertariu Estadu Terras Propriedade, Ministeriu Obras Publika, Ministeriu Amdinistasaun Estatal Sekertariu Teras Propriedade, no Autoridade Lokal sira iha parte Area ida ne’e to’o oin loron laiha ema ida ka reprezentante ida atu esklarese ba komunidade nia direitu nu’udar sidadun ne’ebé hela iha fatin refere.
“Antes ne’e husi parte kompetente sira mai foti tiha dadus no halo tiha ona markasaun ba uma dala rua 2 no promete katak, tempu badak ekipa sira sei mai hamutuk ho komumidade Ex-Aspol hodi realiza dialogu ida hafoin bele hamamuk fatin, tanba fatin ne’e rai Estadu. Durante ne’e komunidade Ex-Aspol hein hela ekipa SEATOU atu halo dialogu, realidade nunka realiaza to’o ikus husi Sekertaria Estadu Asuntu Toponomia no Organizasaun Urbana (SEATOU) ho ekipa fó ultimatu loron 3 deit.” Hatutan Teresa Jacinta Fatima Soares
Nia afirma, eviksaun ida ne’e ohin loron laiha parte kompetente sira maka mai hodi esplika netik ba komunidade eviksaun nia direitu no dever sira.
“Ami komunidade eviksaun Ex-Aspol ne’ebé sai vitima hakarak husu prosesu dadus, markasaun ne’ebé antes Ministeriu Justisa, liuhusi Teras Propriedade no Ministeriu Obras Publika rekolla no prosesu markasau tiha ne’e to’o iha ne’ebé no oinsá ona.” Afirma Protavoz Tereza
Portavoz informa, komunidade Ex-Aspol afetadu eviksaun ida ne’e maioria vida negosiante no barak liu mak estudante hahu husi Ensinu Infatil to’o Universidade ne’ebé presisa mahon ida hodi bele ejerse sira direitu nu’udar sidadaun Timor.
Entertantu komunidade Ex-Aspol fó tempu loron tolu nia laran ba governu atu tun diretamente mai atu fó klarifikasaun no esplikasaun negosiante nia direitu no dever ho lolos. Karik Governu seidauk iha planu ruma ba fatin ida ne’e mak komunidade Ex-Aspol sei reativa fila-fali sira nia atividade negosiu iha fatin refere ho razaun katak durante fulan ida ona komumidade Ex-Aspol nia ahi-matan taka hodi hasusar tebes ba sira nia oan nia future.
Esplika liután, osan ne’ebé komumidade Ex-Aspol balun simu ne’e rekoopera husi krize tinan 2006 nian no osan (iminizasaun) ba krize 2006 nian, maibé laos komumidade Ex-Aspol mesak mak simu maibé sidadaun sira ne’ebé altura ne’ebá sai vitima krize refere kuaze simu hotu.
Reportajen : Nelfiano
Foto : Nelfiano