Dili, 3 Marsu 2026 (Média Democracia) – Kandidatu kadetes foun Polísia Nasionál Timor-Leste (PNTL), Munisipiu Ainaro hala’o konferensia imprensa hodi husu Governu liu-liu Primeiru Ministru no Ministeru Interior liuhusi Konsellu Ministru tenki anula total ba prosesu rekrutamentu kadetes foun PNTL tinan 2025/2026.
Porta-voz Sidonio pinheiro da costa hatete, kandidatu kadetes foun PNTL Munisipiu Ainaro ne’ebé aprovadu iha lista 10 mil ital hakarak hato’o sira nia preokupasaun no lamentasaun sira relasiona ho tratamentu iha prosesu rekrutamentu nia laran no rezeita total sistema nepotismu no grupuismu iha lista kandaditu tinan 2025/2026.
“Tuir ami nia haree katak Diploma Ministerial Númeru 17/2025 25 Junho ne’e halo traisaun no viola prinsipiu Konstuisional no Konvensaun Internasinal sira, liuliu haree ba Direitus Umanus hodi garantia transparente no boa governasaun. Tanba ne’e Provedór Direitus Umanus no Justisa (PDHJ) halo fiskalizasaun abstrata susesiva ba Tribunal Rekursu ikus mai Provedór Diretus Umanus no Justisa (PDHJ) deklara iha loron 13 fulan Janeiru tinan 2026 hateten katak, Juízes konstitui Plenária fó sai akordaun Tribunal Númeru 0073/2025 deklara inkonstuisionalidade no ilegalidade ba regras ne’ebé estabelese iha Diploma Miniterial.” Dehan Porta-voz Sidonio Pinheiro da Costa iha Jardim 5 de Maio
Porta-voz informa, kandidatu 10 mil tal kategoria aprovadu, hakarak husu ba Primeiru Ministru liuhusi Konsellu Ministru tenki hasai Rezolusaun Governu hodi anula total ba prosesu rekrutamentu.
“Ami nota katak prosesu rekrutamentu hamosu deskonfiansa públiku no lamentasaun barak husi públiku inklui ami kandidatu sira. Enkuantu ami kandidatu senti lamentasaun iha lista PNTL neʼebé númeru kiik maioria PNTL nia oan, subrinho no família, hodi nune’e ami kandidatu hato’o keixa ba Provedór Direitus Umanus no Justisa (PDHJ) iha loron 5 fulan fevereiru tinan 2026.” Informa Porta-voz Sidonio Pinheiro da Costa
Sidonio Pinheiro hatutan, ikus mai Provedór Direitus Umanus no Justisa (PDHJ) deklara iha loron 9 fulan fevereiru tinan 2026 hodi halo fiskalizasaun ba faktu sira neʼebé kandidatu sira hato’o liuhusi reklamasaun ikus mai deklara lista neʼebé atu ba tuir teste médiku maioria polisia nia oan liuliu Komandante ne’ebé tur iha Komisaun Júri nomos Komandante Jerál ho Komandante Munisípiu sira nia oan maka iha lista númeru kiik atu ba tuir teste médiku. Ida ne’e hatudu faktus hodi hamosu deskofiansa públiku relasiona ho lista teste médiku maioria PNTL nia oan, subrinho no familia.
Reportajen : Tomas
Foto : Tomas