Dili, 14 Marsu 2026 (Média Democracia) – Ministeriu Interiór no Komandu Polísia Nasionál Timor-Leste hahú diskute ba promosaun trazitóriu ba membru polísia sira ne’ebé iha nivél postu ofisiál superiór.
Ministru Interiór Francisco Guterres hateten, reuniaun ne’e entre Komandu ho Ministeriu Interiór hodi ko’alia kona-ba promosaun trazitóriu ba ofisiál Superiór sira.
“Primeiru ami ko’alia kona-ba kestaun de seguransa rai laran, Segundu kesatuan promosaun ba sira, tanba ne’e ohin iha diskusaun la’o hela sira mós fó sira-nia opiniaun balun depois ida ne’e konsulta ba sira para atu rona loos opiniaun sira nian ne’e oinsá, nune’e sira fó hatene ami ba formula didi’ak. Kuandu formula hotu ona, semana oin anusiu ba públiku kona-ba promosaun refere ba sira.” Dehan Ministru Interiór Francisco Guterres ba jornalista hafoin reuniaun ho Ofisiál Superiór PNTL ne’ebé hala’o iha Sentru Formasaun Polísia Comoro Kinta (12/03/026)
Ofisiál PNTL sira hato’o opianiaun kona-ba promosaun ne’e tenke haree mós antiguidade servisu, haree mós ba veteranus, haree mós ba pozisaun kestaun de sira-no nia deviza atuál inklui sei haree mós ba ofisiál sira ne’ebé infrasaun displiñar, ho nune’e Ministeriu Interiór prazu fulan atu rezolve sira nia problema refere.
Promasaun ba ofisiál ne’e sei halo iha semana oin molok halo aniversariu PNTL iha 27 Marsu agora. Sira ne’ebé atu halo promosaun ne’e iha ema hamutuk 63 mak tama iha promosaun trazitóriu.
Ministru Interior esplika, ba ofisiál superiór ne’ebé atu hetan promosaun deviza ne’e tenke priense kritériu ofisiál servisu ba PNTL tinan 16. No promosaun deviza ba ofisiál sira ne’e hala’o iha Komandu Jerál PNTL.
Governante ne’e subliña, promosaun deviza ne’e hatudu devuza Superintendente Asisténte antiguidade ba Superintende no Superintendente sei promove ba Superintendente Xefe no Superintendente Xefe ba Komisáriu Asisténte.
Enkuantu, diskusaun ne’e rasik prezide husi Ministru Interiór Francisco da Costa Guterres akompaña husi Segundu Komandante Jerál PNTL Komisáriu Pedro Belo, partisipa husi Komandante Operasaun Nasionál PNTL Superintendente Xefe Afonso dos Santos no Komandante Komandu Munisípiu no Komandante Unidade inklui Diretór Diresaun sira nomos Xefe Departamentu sira.
Reportajen : Estefania
Foto : Estefania