Dili, 17 Marsu 2026 (Média Democracia) – Komandante PNTL Munisípiu Dili, Superintendente Xefe Polísia, Orlando Gomes informa kazu ne’ebé akontese iha Fomentu sábadu madrugada, komandu Eskuadra Dom Aleixo halo kedas atuasaun.
Iha kazu ida foin dadaun akontese iha fomentu besik elemloi ninian, iha madrugada 6.30 ida, eskuadra Dom Aleixo tun halo kedas atuasaun ba akontesimemtu ne’e no iha vítima sira ne’e mós ba ona iha eskuadra dom aleixo hodi halo kedas prosesu identifikasaun. Iha kazu ne’e ita bele dehan katak depois prosesu investigasaun mak foin bele hatene lolos.
Komandante PNTL Munisípiu Dili Orlando Gomes hatutan, motivu husi akontesimentu ne’e seidauk hatene loloos tanba sei iha hla prosesu inveatigasaun. Enkuantu Komandu Munisípiu Dili seidauk bele publika kona-ba kazu ne’e akontese entre grupu ka individu.
“Ita seidauk bele fó sai ne’e husi grupu ne’ebé, maibé iha prosesu investigasaun mak ita bele identifika.” Dehan Komandante PNTL Munisípiu Dili, Superintendente Xefe Polísia, Orlando Gomes
Hafoin akontesimentu, komandu eskuadra Dom Aleixo asegura kedas suspeitu nain 4.
Komandante Munisípiu Dili ne’e informa ba jornalista sira katak, Komando Munisípiu Dili orienta ona ekipa halo investigasaun ba kazu refere no halo identifikasaun ba vítima ne’ebé hetan kanek no uma ne’ebé hetan eatragus.
“Ha’u hetan informasaun no ha’u orienta nafatin ba sira investigasaun para atu halo servisu ho sériu, ba akontesimentu ida ne’e, hein foti vítima sira ne’ebé hetan kanek, ba sira ne’ebé uma hetan estragus tenke foti hotu ba, para presta sira-nia deklarasaun atu hodi halo prosesu.” Afirma Komandante PNTL Munisípiu Dili, Superintendente Xefe Polísia
Entretantu ba kazu refere Komandu Munisípiu Dili submete ona ba iha Miniatériu públiku hodi prosesa tuir justisa.
Reportajen : Estefania
Foto : Estefania