Dili, 19 Marsu 2026 (Média Democracia) – Sekretariu Estadu Igualdade (SEI) hamutuk ho parseiru fó apresiasaun ba Fundasaun Alola hodi komemora loron mundial feto.
Tuir Sekretariu Estadu Igualdade (SEI) Elvina Sousa Carvalho hateten, hanesan membru Governu ne’ebé servisu mós kona-ba igualidade jeneru hodi bele garante ba advokasia.
“Sekretariu Estadu ba Igualdade nia servisu maka koordena no garante ba advokasia promosaun ba igualdade no inkluzaun dejafiu ne’ebé feto hasoru no garante implementasaun husi politika nasional no internasional no komprimisiu jeneru ne’ebé ita-nia nasaun Timor-Leste adere ba nasional, nia maka planu anual bazeia ba jeneru. Sekretariu Estadu Igualdade nia planu asaun nasional mós haree ba ema ho kondisaun difisiensia, nune’e hodi asegura no proteje” Dehan Sekretariu Estadu Igualdade (SEI) Elvina Sousa Carvalho
Sekretariu Estadu Igualdade informa, feto barak sai nafatin vitima ba kazu abuzu seksual, psikolojia no ekomia, ho nune’e nia fó mensajem ba maluk feto no labarik feto tenke servisu makas hodi bele asegura feto nia papel atu garante kondisaun ne’ebé di’ak ba feto no labarik feto.
“feto barak sei nafatin vitima ba violencia abuzu fiziku psikolojiku, ekonomiku ne’ebé sria hasoru iha uma laran, nune’e fó mensajem ba Fundasaun Alola, fó mensajem ba sosiedade tomak tenke servisu makas hodi bele asegura feto hotu-hotu nia papel atu garante kondisaun di’ak ba feto no labarik feto.” Informa Sekretariu Estadu Igualdade (SEI)
Nia hatutan, husu ba sosiedade progresu barak ne’ebé hahu ne’e laos atinji husi feto de’it, laos husi Sekretariu Estadu no laos husi organizasaun ida de’it, husi progresu hotu ne’ebé akontese ne’e mós tanba esforsu ema hotu nian, esforsu koletivu husi sociedade sivil, husi governu no husi parseiru nasional nomos internasional.
Sekretariu Estadu Igualdade salienta tan, servisu prevene asediu seksual ne’e lao hela no servisu ne’e laos Sekretariu Estadu Igualdade mesak, maibé ne’e koordenasaun hamutuk ho parseiru internasional no parseiru nasional ho Ministeiru Ensinu Superior. Liuhusi servisu hamutuk ne’e, kuaze Universidade Timor laran tomak atu estabelese MOU ida hodi sai deklarasaun zero toleransia abuzu seksual iha ensinu superior Timor laran
Reportajem: Estajiadu Marito
Foto : Marito