Dili, 26 Marsu 2026 (Média Democracia) – Estudante Univesitariu Timor-Leste (EUTL) lamenta ho atuasaun ne’ebé PNTL halo hasoru kadetes foun 2025 iha loron 18 fulan marsu tinan 2026.
Tuir Porta-voz Estudante Univesitariu Timor-Leste (EUTL) Joanito Maya da Cruz iha komunikadu imprensa hateten, Relasiona ho komisaun ne’ebé hala’o rekrutamentu ba membru PNTL foun iha tinan 2025, depoiz anunsia rezultadu, sosiedade eín-jerál hotu-hotu sente la satisfeitu tanba deskonfia nakonu ho familiarízmu, partidarizmu, favoritizmu no nepotizmu.
“Entre hirak ne’ebé numeru ki’ik hodi avansa bá teste médiku ne’e maioria PNTL nia oan, jerasaun patriota nia oan. Husi ne’e, parte vitima direta hamutuk kamadas sosial sira hodi hala’o asaun manifestasaun iha Resintu Kampuz Fakuldade Siensia Sosial no Polítika UNTL Kaikoli, objetivu husi asaun ne’e maka parte relevante foti medida ida justu ka anula total no hahu fila-fali komisaun foun ne’ebé envolve husi ema estranjeiru no pesoál indepedente sira atu kadetes hotu-hotu tu’ir fila fali ho mekanizmu sistema eliminatóriu. Ita hotu hatene katak, Timor-Leste opta estadu direitu demokrátiku ne’ebé hatur ona iha lei-inan Konstituisaun RDTL iha artigu dahuluk ninian, aleinde ne’e mós pillar akademiku tolu ne’ebé define; estuda, peskiza no transformasaun sosial.” Dehan Porta-voz Estudante Univesitariu Timor-Leste (EUTL) Joanito Maya da Cruz
Porta-voz EUTL ne’e informa, durante iha manifestasaun sente katak desizaun no prosesu rekrutamentu ne’ebé responsável husi Ministériu Interior nakonu ho injustisa, maka konvida públiku nia atensaun liu-liu parte vitima sira, sorin ida mós kada baze universitáriu ne’ebé hamahan-an iha Estudante Universitáriu Timor-Leste (EUTL) nu’udár movimentu estraparlamentár iha ne’ebé kontrola masimu bá elite-polítiku sira nia desizaun inklui prosesu rekrutamentu.
Nia hatutan durante loron tolu iha terrenu ka manifestasaun nia laran mosu tratamentu ladiak tebes hasoru manifestante sira ne’ebé hato’o nia direitu no ezijénsia sira, maka parte PNTL ne’ebé asegura no proteje situasaun tomak, parte intelijénsia ne’ebé rekolla informasaun sira no funsionariu públiku sira ne’ebé hala’o de’it sira nia serbisu iha sira nia kna’ar fatin, maibé realmente sira la halo ida ne’e.
Porta-voz salienta estudante lubun vitima ho kondisaun grave to’o ba baixa iha ospitál no kontinua detein iha sela prizaun, maske autór ba konflitu la kaptura no toʻo agora sira seguru no saudável iha sira-nia fatin. Entretantu faktu husi asaun ne’e prova katak, PNTL mak kriminozu no autor ba aksaun konflitu.
Reportajen : Estajiadu Marito
Foto : Marito