Dili, 31 Marsu 2026 (Média Democracia) – Komandante jerál Polísia Nasionál Timor-Leste (PNTL) Komisáriu Asistente Afonso dos Santos halo vizita dahuluk iha Komandu Unidade Espesiál Polísia (UEP) hodi husi atu sira prepara an, maske sira otoan de’it atu nune’e ba futuru sira sei sira bele hala’o servisi ho di’ak.
“Objetivu mai vizita iha Unidade Espesiál Polísia atu husi sira prepara-aan, maske sira ne’e uituan, maibé ba futuru ne’e sira bele halo serbisu ho di’ak liu, ha’u sempre iha propriedade, ha’u Komandante foun ha’u tenke servisu makas prepra didi’ak sira iha futuru.” Dehan Komandante jerál Polísia Nasionál Timor-Leste (PNTL) Komisáriu Asistente Afonso dos Santos
Unidade Espesiál Polísia (UEP), nu’udar Polísia determinasau, tanba bainhira akontese buat ruma sira mak termina.
“Aban bain rua sira buat ruma mosu sira mak determina, nune’e mak ha’u nia primeira vizita ha’u tenke mai uluk iha sira no aban foin ha’u ba fali iha Máritima.” Informa Komandante jerál Polísia Nasionál Timor-Leste (PNTL) Komisáriu Asistente Afonso dos Santos
Komandante Jerál ne’e husu ba membru Unidade Espesiál Polísia atu kumpre orden Komandu no serbisu tuir irarkia Komandu nian.
“Sim, ha’u hateten ona ba se de’it iha Polísia Nasionál Timor-Leste la eziste buat rua, rona orden Komandu nian no rona komandante, tanba komandante mak lidera, nia mak hatene liu hotu.” Afirma Komandante jerál Polísia Nasionál Timor-Leste (PNTL) Komisáriu Asistente
Komisáriu Afonso mós salienta, Polísia prepradu atu fó seguran ba eventu eleisaun prezidensiál tinan oin no eleisaun parlamentár 2028
“Ami preparadu, ha’u sei ko’alia ho ami nia Ministru para prepara sira ba eleisaun 2027 ho 2028, nune’e situasaun hotu la’o ho di’ak.” Salienta Komandante jerál Polísia Nasionál Timor-Leste (PNTL) Komisáriu Asistente Afonso dos Santos
Enkuantu kona-ba kestaun limitasau fasilidade Komandin UEP, Komandante Jerál PNTL ne’e hateten durante nia vizita mai iha UEP nia identifika ona problema fasilidade sira mas ida ne’e segredu Komandu nian hodi rezolve.
Iha fatin hanesan, Komandante Unidade Espesiál Polísia (UEP) Superintendente Xefe Damiao Correia hateten, Komandante Jerál PNTL Komisáriu Asisténte Afonso dos Santos mai vizita iha UEP ne’e nu’udar vizita dahuluk bainhira nia asumi kna’ar hanesan Komandante Jerál hafoin simu pose.
“Nia atu mai haree kondisaun besik saida maka durante ne’e Unidade Espesiál Polísia hasoru, maibé nia nu’udar Komandante UEP antigu hahú kedas iha 2010, nia hatene muito bem kondisaun Unidade Espesiál nune’e politikamente nia hato’o ba Ministru Interiór, saida mak presiza hodi kompleta ba unidade espesiál.” Dehan Komandante Unidade Espesiál Polísia (UEP) Superintendente Xefe Damiao Correia
Komandante Unidade Espesiál Polísia (UEP) informa tan, liuhusi vizita ne’e, Komandante Jerál husu Komandante Unidade Espesiál Polísia atu kumpre orden Komandu nian.
Reportajen : Estefanian
Foto : Estefania