Dili 31 Marsu 2026 (Média Democracia) – Komandante Jerál Polísia Nasionál Timor-Leste (PNTL) Komisáriu Asisténte Afonso dos Santos, sei bolu Superintendente Polísia Julia da Gama hodi solusiona nia problema.
“Agora ha’u seidauk bele bolu, tempu ruma ha’u bolu mak ha’u fó hateten ba ita-boot sira.” Dehan Komandante Jerál PNTL ba jornalista sira hafoin halo vizita ba Unidade Espesiál Polísia (UEP) Segunda ne’e (30/03/026)
Antes ne’e iha loron sexta-feira (27/03/2026), Ministru Interiór Francisco da Costa Guterres husu ona Komandante Jerál PNTL Komisáriu Asisténte Afonso dos Santos atu buka rezolve asuntu promosaun “demordu” ne’ebé akontese ba Superintendente Polísia Julia da Gama.
Governante ne’e mós husu ba Komandante Jerál PNTL, Komisáriu Asistente Afonso da Costa no Segunda Komandante Jerál PNTL, Komisária Asistente Natércia Eufeaxia Martins atu kria komunikasaun di’ak ho Superintendente Polísia Júlia da Gama hodi haree ba nia Problema, nune’e bele rezolve.
Ministru Francisco Guterres informa, Superintendente Julia da Gama lakon direitu ba promosaun, maibé nia sei hetan promosaun hafoin Komandante Jerál PNTL Komisáriu Asisténte Polísia Afonso dos Santos no Segundu Komandante Jerál Komisária Asisténte Natercia Eufrasia Soares Martins rezolve tiha nia problema.
Reportajen : Estefania
Foto : Estefania