Dili, 1 Abril 2026 (Média Democracia) – selebrasaun loron semana santa paskua, igreja katolika fó mensagem ba sarani katolika hotu atu selebra festa paskua ho di’ak nomos kria dame no paz ba ema hotu.
Tuir Arcebispo Metropolitana de Dili Dom Virgílio do Carmo da Silva hateten, Paskua mak festa ida ne’ebé boot liu hotu iha Kreda Katolika, tanba Komemora Jesus Kristo nia Resorisaun.
“Paskua mak festa ida ne’ebé boot liu hotu iha Kreda Katolika, tanba ita komemora Jesus Kristu nia Resorisaun, Liafuan Paskua mai husi liafuan Grego no Latin Pascha, origen husi Hebraico Pesach, signfica passagem lao liu Celebração ne’ebé antiga liu, hanoin fila-fila libertação povo Ebreu husi escravidão iha Egipto Passagem ida ne’e refere ba anjo Egipto sira nia oan, sira ne’ebé la’o liu odamatan Ebreu sira nia-uma, haree marca bibi oan nia ran ne’ebé kose hela iha odamatan, sira la halo a’at ba sira nia oan kwaik sira primogenito, maibé halo de’it mai ita sarani Katolika ohin loron hetan sentidu foun ida ho Jesus nia terus, mate no moris hias.” Dehan Arcebispo Metropolitana de Dili Dom Virgílio do Carmo da Silva
Arcebispo Metropolitana Dili informa, ohin loron selebra Paskua, tanba kontinua sai fonte Esperança, fonte da renovasaun iha mundo ida ne’ebé marsa ho violensia, funu, konflitu, indiferensas, egoismu, fiar mihis, lakon fiar, inserteza, no Paskua oferese mai ita narasaun ida triumfante laos desesperasaun. Sai hanesan sinal Esperansa ba ema barak, fó hanoin mai ita transformasaun no hahu foun fali pajina foun iha moris.
Arcebispo hatutan, selebrasaun Paskua iha tempu udan, be barak halo ai-sira buras no matak, sinal vida, moris ambiente ne’e mós konvida ita atu hamatak no haburas liután, liu-liu hahu moris foun, maski dala barak exije sakrifisiu no esforsu personal, Tempo Paskua, eskola no instituasaun sira ferias iha semana santa, liu-liu iha triduum Paskua nian, Ferias laos atu rekopera de’it servisu ne’ebé ita la konsegue halo iha semana tomak, maibé Ebreu sira nian, familia eskolante sira ho nain feto iha cenaculo. ferias Paskua iha konvite espesial ida atu familia sira halibur hamutuk, hanesan Familia.
Arcebispo ne’e salienta, Paskua tinan ne’e sai biban grasa nian hodi hafoun hikas ita-nia domin ba Maromak no ba maun-alin sira. Papa Leão XIV nune’e mós mensagem Bispo sira Timor nian iha mensagem kuaresma no Paskua, husu ita hamamuk-an atu rona Maromak nia futar liafuan hodi habadak ita nia nanal no ko’alia sukat, nune’e ita bele sai manu-ain esperança, paz no karidade atu komplete ita-nia partisipasaun iha tridum Paskua, furak oin sa ita buka kumpre ita moris ida ne’ebé sei la iha rohan, nia dever no obrigasaun Katolica Konfesa, Via-sacra, missa sira iha tridum paskua nian. Jesus nia moris hias mak marca fatuk inan ita-nia fiar nian, ne’ebé tau ita nia laran ba.
Maluk doben sira, konvite ida mai ita iha loron boot sira, ita-nai Jesus nia terus-mate no moris hias nian ne’e, di’ak mós oinsa familia buka tempu ruma hamutuk halo orasaun, hateke ba Jesus iha kruz mak sasukat boot liu hotu ona Maromak nia domin. mai ita harohan maromak oan.
Entretantu Arcebispo Metropolitana Dili Dom Virgílio do Carmo da Silva fó mensagem ba sarani katolika hotu atu festeza santa paskua ba tinan ida ne’e nakonu ho domin no kria paz estabilidade iha rai laran, ita mesak ida de’it, maun, alin no feton kristu hadomi, ksolok Feliz paskua ba ita hotu.
Reportajen : Estajiadu Marito
Foto: Marito