Dili, 18 Novembru 2024 (Média Democracia) – Ministeriu Ensinu Superior Ciensia no Cultura (MESCC) servisu hamutuk UN-Women no Coica iha Timor-Leste realiza atividade kona-ba partispasaun eventu ba lansamentu no estratejia zero toleransia asediu sexual iha ensinu superior, Atividade ne’e realiza iha Salaun Hotel Timor Dili
Tuir Ministeriu Ensinu Superior Siensia no Kultura (MESSK) José Honorio da Costa Jeronimo hateten, ohin realiza atividade ida ne’e importante los ba rai Timor-Leste relasaun ho asediu sexual ne’ebé akontese iha ensinu sekundariu.
“Ami halo atividade ida ne’e importante tebes ba ita-nia rai relasaun ho asediu sexual, ha’u hakarak fó hatene publiku katak Ensinu Superior Ciensia no Cultura servisu hamutuk UN-Women no COICA halo akordu atu implementa hodi fó hatene ba estudante, profesor akademiku inklui funsionariu sira katak asediu sexual hanesan hahalok ida aat no la di’ak.” Dehan Ministru Ensinu Superior Siensia no Kultura (MESSK) José Honorio da Costa Jeronimo
Nia hatutan asediu sexual hahalok ida ne’ebé di’ak tanba ne’e Ministeriu Ensinu Superior servisu hamutuk ho UN-Women no COICA, Unversidade no instituitu sira hodi asina plaka kona-ba zero toleransia ba asediu sexual
“Ita hotu hantene katak asediu sexual hahalok ida ne’ebé laiha moral hodi hatun ita-nia dignidade, tanba ita obriga ema seluk iha situasaun ne’ebé la di’ak hahalok ida ne’ebé aat tanba obriga ema seluk atu hola parte iha asediu sexual ho obrigasaun.” Haktuir Ministru Ministeriu Ensinu Supe
Nia salenta liután katak relasiona ho asediu sexual ne’ebé akontese ba estudante sira iha eskola sira tenke hateten sai kona-ba problema ne’ebé sira infrenta bainhira hetan asediu husi profesor, funsionariu ka estudante maluk mak halo asediu sexual tenke fó hatene ba ema seluk.
“Ha’u agradese tanba estudante sira mós ohin partsipa iha atividade ida ne’e ho di’ak no sira mós kompremete atu implementa ho rigor kona-ba asediu sexual ne’e rasik atu nune’e bele muda sira hanoin atu hadok-aan husi aktus hirak ne’e bainhira ema koko atu halo asediu sexual ba sira.” Dehan nia
Iha fatin hanesan reprezentante Sekretariu Estadu no Igualidade (SEI) Maria Filomena Belo, iha diskursu hateten, atividade ba lansamentu ba ohin loron ne’e importante tebes ligasaun ho asuntu prevene asediu sexual iha ensinu sekundariu.
“Ha’u hanoin relasiona ho atividade ida ne’e hanesan pasu ne’ebé importante tebes ba ita hotu nune’e bele asegura hodi hadook-aan husi asediu sexual bainhira akontese iha ensinu superior espesial ba universidade sira ne’ebé durante ne’e akontese asediu sexual iha resintu akademiku nia laran.” Dehan reprezentante Sekretariu Estadu no Igualidade (SEI) Maria Filomena Belo
Nia hatutan liuhusi atividade ba lansamentu idade hodi fó legalidade ba ita hotu, oinsá bele hamutuk hodi kombate hasoru asediu sexual bainhira akontese iha ensinu superior nia laran, ida ne’e maka aliña ho planesaun nasional kontra violénsia bazeia ba jeneru.
“Sekretariu Estadu no Igualidade hamutuk ho nia parseiru Sosiedade Silvil ajensia UN Parseiru nasional no internasional sira hamutuk ho União Eurpeia ne’ebé realiza ona planu asaun nasional kontra violénsia bazeia ba jeneru husi 2022 too 2032 ida ne’e hanesan pasu ida atu prevene problema hirak ne’e.” hatutan reprezentante Sekretariu Estadu no Igualidade, Maria Filomena Belo
Esplika liután katak liuhusi Ministeriu Ensinu Superior Ciensia no Cultura servisu hamutuk UN Women no Coica iha Timor-Leste realiza atividade kona-ba partispasaun eventu ba lansamentu no estratejia zero toleransia asediu sexual iha ensinu superior, tanba durante ne’e ita hotu hatene katak iha universidade balun akontese ona asediu sexual, nune’e liuhusi lansamentu ida ne’e fanun ita hotu atu toma atensaun hodi hakdo’ok-aan husi asediu sexual iha fatin oioin.
Reportajen : Nelfiano
Foto : Nelfiano