Dili, 11 Agustu 2026 (Media Democracia)- Ai-moruk esensiál balun Stock laiha, Hospital Nasionál Guidu Valadares kontinua fó reseita ba pasiente hodi sosa Ai-moruk iha farmásia privadu sira.
Nune’e, pasiente sira husu ba Ministériu Saúde no Hospoitál Nasionál Guido Valadares atu tau atensaun ba ai-moruk ne’ebé mak dadaun ne’e sctok hotu (laiha).
Iha biban ne’e, Esmeralda da Silva, pasiente Diabetes ne’ebé atu foti aimoruk tipu rua hanesan vitamina no aimoruk ran midar nian maibé stock laiha, nune’e parte Hospital Nasionál Guido Valadares haruka semana oin mak ba fali ospitál hodi foti ai-moruk.
“Sira haruka ha’u ba sosá maibé ha’u nia osan la iha, agora ha’u nia reserva iha musan ida no rua iha hela, la presiza hotu kedas mak mai foti ka lae, dala ruma ha’u sosa, ai-moruk ne’e tablet iha ida $3, depois musan neen de’it, ha’u baibain sosa iha apotik ida iha Kampu Alor no reseita ne’e sira mak fó ba ha’u hodi ba sosa.” dehan Pasiente Esmeralda da Silva ba Jornalista sira iha resintu HNVG, Segunda (10/08).
Nia informa durante halo tratamentu iha ne’e, no foin primeira vez Hospitál Nasionál Guido Valadares fó reseita ba nia hodi sosa ai-moruk iha farmásia privadu.
“Ha’u foin primeira vez ai-moruk la iha, sira dehan sé semana oin mai chek fali para foti, osan ha reseita ne’e iha sira fó ai-moruk oin rua, vítamina simu tiha maibé raan midar nian mak la iha, ne’e mak dehan semana oin mai chek.” Nia tenik.
Nia esplika, durante halo tratamentu iha HNGV, nia sosa ai-moruk iba liur dala rua ona tanba ai-moruk ne’ebé sura fó la dun barak no kada loron ida hemu dala tolu.
“Ai-moruk ne’e loron ida ha’u tenke hemu dala tolu, dader, meudia no kalan, maibé la iha buat naran katak ha’u tenke hemu, ne’ebé bainhira ha’u ba hola tenke hola taplet ida $3 nian, dala rua haat no lima dala ida, ha’u la konsumu ai-moruk ne’e la di’ak, tanba ai-moruk Timor mós, maibé ai-moruk iha ida ne’e mak ita la konsumu ne’e la di’ak xah, ita ba hela de’it haris fatin, ita hemu ai-moruk ne’e entaun ita normál baibain.” Nia dehan
Tanba ne’e Esmeralda da Silva rekomenda ba Ministériu Saúde no Hospoitál Nasionál Guido Valadares tenke tau atensaun ba as-moruk sira ne’ebé stock laiha hodi garantia ba pasiente sira ne’ebé presiza.
Molok ne’e Diretór Servisu Apoiu Diagnóstiku no Terapeutiku iha HNVG Vidal de Jesus Lopes informa, husi Hospoitál Nasionál Guido Valadares hapara fó informasaun no klarifika ba públiku ho karta infomasaun ne’ebé mak horseik Xefe Departamentu Obteritika no Geonecologia fó sai katak sei hapara operasaun ba kazu eletivu.
“Kazu eletivu halo operasaun ba kazu sira ne’e, eletivu sei kontinua la’o nafatin, la hapara ho razaun tanba konsumaveis ne’ebé mak presiza ba sala operasaun horseik kalan no ohin konsege suplay ona ba sala operasaun hodi asegura nafatin funsionamentu iha sala operasaun nian, liu-liu oinsá atu uza ba operasaun ba kazu eletivu sira.” Nia dehan Diretór Servisu Apoiu Diagnóstiku no Terapeutiku iha HNVG Vidal de Jesus Lopes, ba Jornalista sira iha nia kna’ar fatin, Sexta (07/08).
Nia dehan razaun husi sctok out ne’e falta ne’e komunikasaun iha laran, depois konsellu Diretiva Hospitál Nasionál Guido Valadares halo buka tuir nian funkun
“Depois ami buka tuir fukun husi ema sira ne’e kestaun mak falta komunikasaun i depois kestaun mak fornesedor tanba fornesedor prinsipál mak Konsumaveis, Médikamentu no reazente sira mak INFPM, mais la tama dala mós Hospitál Nasionál Guido Valadares atu halo kompras emerjénsia, ne’e duni husi INFPM sctok out sira manda karta justiifikasaun, iha ne’ebá sctok out, entaun bazeia ba karta sctok justiifikasaun sctok out mak ami foin husu kompania fornesedor hodi sira hatama sasán konsumaveis,nian lalaok ne’e hanesan ne’e.” Nia afirma
Tanba Hospoitál Nasionál Guido Valadares la bele husu kompañia la iha justiifikasaun sctok out, sctok out la’ós sira ko’alia mai de’it mais tenke pur eskrita, ho nune’e administrativa la’o nafatin tuir prosedimentu normál.
“Atu la bele komete iregularidade mais nafatin asegura pasiente sira, tanba pasiente sira ne’e sai hanesan prioridade, ne’e konsumaveis ne’ebé mak iha Hospoitál Nasionál Guido Valadares mak hola rasik, kaundu sira manda justifikasaun mai ami hola rasik, depois sira nian sctok out tama sira nafatin sustentá nafatin ami,” Nia informa.
Sctok ne’ebé mak dadaun bele garante ba semana balun, depois kaundu sira nia sctok tama, tuir informasaun katak kontiner tolu ka haat iha ona Portu Tibar, espera katak parte INFPM atu nune’e bele destribui mai HNVG.
“HNVG ne’e nian hanesan uzer de’it mais prosesu kompras ne’e ho kuantidade boot ne’e INFPM, mais HNVG kuandu halo kompras ba emerjénsia de’it, kuandu sitausau emerjénsia iha ne’ebá sctok out sira justiifika ami sosá emerjénsia hodi sustenta ba loron rua ka tolu nian, depois ida ne’e INFPM tenke kontinua sustentá mai tanba lei mak haruka.” Nia hakotu
Reportájen: Estefánia Cardoso
Foto: Estefánia Cardoso