Dili, 24 Fevereiru 2025 (Média Democracia) ‑ Assosiasaun Difisiensia Timor Leste (ADTL) servisu hamutuk ho United Nations International Children’s Emergency Fund (UNICEF) fasilita formasaun durante loron haat (4) ba ema ho difisiensia iha salaun madre ALMA.
Diretór Ezekutivu Asosiasaun Difisiensia Timor-Leste (ADTL) Cesario da Silva hateten, realiza formasaun Edukasaun ba joven, Adolosente no ema ho difisiente sira atu bele aumenta tan sira nia esperiensia no koñesimentu
“Formasaun ida ne’e realiza life basic education ba adolosente, joven no ema ho difisiensia sira, nune’e formasaun ida ne’e ADTL servisu hamutuk ho UNICEF no hetan apoiu fundus husi UNICEF hodi realiza formasaun ida ne’e ba joven no adolosente sira, liuliu atu ko’alia kona-ba abilidade moris nian, jestaun emosaun no lisaun basiku ba joven sira, formasaun ida ne’e halo tanba primeiru joven ho difisiensia adolosente sira ne’e menus informasaun, nune’e ADTL nia pograma ida atu fó formasaun ba joven, adolosente no ema ho difisiente sira.” Dehan Diretór Ezekutivu Asosiasaun Difisiensia Timor-Leste (ADTL) Cesario da Silva
Nia mós haktuir tan katak formasaun ne’e foin halo iha Munisipiu tolu hanesan Covalima, Bobonaru no Dili.
“Formasaun ne’e sei hala’o ona iha Munisipiu rua, Covalima, Bobonaru iha semana rua liu no agora kontinua iha Dili hahu ohin ita tarjetu ba joven no adolosente atus ida (100) ne’ebé sei tuir formasaun durante loron haat. ADTL halo formasaun ida ne’e servisu hamutuk ho UNICEF.” Haktuir Cesario da Silva
Iha sorin seluk reprezentante UNICEF parte Consutant Difisiente nian José Manuel do Carmo hateten, formasaun ida ne’e espesifiku liu oinsa atu hasa’e abilidade ema ho difisiente sira.
“Formasaun ida ne’e ita bolu edukasaun ba abilidade moris nian no formasaun ida ne’ebé espesfiku liu oinsa atu mellora kapasidade maluk difisiensia sira, liuliu oinsa atu fasilita sira-nia maluk sira ne’ebé seidauk hetan oportunidade kona-ba abilidade ida ne’e.” Dehan Reprezentante UNICEF parte Consutant Difisiente nian José Manuel do Carmo
Nia mós haktuir katak UNICEF mak apoiu ba formasaun ne’e no formasaun ida ne’e iha topiku barak mak atu fasilita ba kolega difisiensia sira.
“UNICEF nia parte mak fó apoiu ba formasaun sira ne’e atu asegura katak, hotu-hotu hetan oportunidade hanesan ba formasaun modelu hanesan, ne’e tanba formasaun ne’e nia laran rasik sei iha topiku barak ne’ebé sei fasilita husi kolega difisiensia sira rasik ho topiku sira hanesan oinsa atu kontrola emosaun, oinsa atu sai empatia ka simpatia.”
Formasaun ida ne’e UNICEF atu asegura katak kolaborasaun di’ak ho ADTL no esperansa boot katak formasaun modelu hanesan ne’e mós aplika iha nivel akademiku, tanba ida ne’e hanesan formasaun tarjetu prinsipal ba ema ho difisiensia liuliu komunidade difisiensia, Aleinde ne’e mós fó oportunidade joven estudante sira ne’ebé la ho difisiensia atu hola parte iha formasaun ne’e hodi bele eleva koñesimentu no abilidade edma ida-idak nian.
Reportajen : Nelia
Foto : Nelia