Dili, 27 Fevereiru 2026 (Média Democracia) – Aero Dili realiza komunikadu imprensa kona-ba Lansamentu Rotasaun Foun, nune’e aviaun Aero Dili sei halo mós viajem ba nasaun Malasia no Australia.
Tuir Prezidente Aero Dili Lourenço de Oliveira hateten, iha loron 28 fulan Marsu tinan ne’e Aero Dili sei halo vou primeiru ba Nasaun Malasia no tuir orario sei semo iha loron Tersa-feira no sabado.
“Ohin ha’u konvida media sira mai iha ne’e atu informa katak aviaun Aero Dili sei semo iha loron 28 fulan Marsu tinan 2026 ba nasaun Malasia, Primeiru Vou ita semo dala 2 iha loron Tersa-feira no Sabado. Portantu sai husi Timor-Leste oras 8:00 otl ba nasaun Malasia no fila-fali husi Malasia oras 12:00 otl mai Timor-Leste.” Dehan Prezidente Aero Dili Lourenço de Oliveira
Prezidente Aero Dili informa, iha loron 24 fulan Maiu tinan ne’e sei iha tan vou ba Nasaun Australia no tuir orario Aviaun Aero Dili sei hala’o viajem iha loron Tersa-feira no Doimngo.
“Loron 24 fulan Maiu tinan ne’e ita sei iha vou ba Nasaun Autralia liu-liu iha Darwin, no ba orariu semo iha loron Tersa-feira no Domingo. Tersa-feira aviaun sai oras 02:00otl depois toba iha Darwin no oras 04:00otl aviaun sei fila-fali mai Timor, depois iha Domingo aviaun vou ba Darwin oras 08:00otl no iha oras 09:30 sei tranzit iha Denpasar Bali, depois mak ba liu Darwin.” Informa Prezidente Aero Dili
Prezidente hatutan tan, iha mós Ospital iha Nasaun Indonesia ho entusiasmu tebes atu simu pasiente husi Timor-Leste hodi halo tratamentu iha ospital Mahkota Medical Center, mais ou menus 30% bele transfere ba ospital refere.
“Iha mós fatin ida ami ba iha ne’ebá Mahkota Medical Center iha Malaka Indonesia ne’ebé sira antusia tebes atu simu pasiente husi ita-nia Nasaun Timor-Leste, depois ita-nia aviaun mós sei lori ema moras sira ba halo tratamnetu iha Ospital Malaka Indonesia nomos husi nasaun Malasia bele tranfere ema moras ba Malaka Indonesia extende hanesan hotu sira seluk mais ou menus 30% atu transfere sira ba iha Ospital Mahkota Medical Center iha Malaka Indonesia. Ha’u hanoin ita-nia nasaun Timor-Leste serve ona, tanba ita foin mak komesa. Aleinde ne’e mós ami koopera no servisu hamutuk ona ho ospital Mahkota Medical Center iha Nasaun Indonesia. Nune’e karik iha maluk Timoroan ne’ebé moras bele halo tratamnetu iha ospital refere.” Afirma Prezidente Aero Dili Lourenço de Oliveira
Prezidente Aero Dili Lourenço de Oliveira Salienta tan, ba futuru sei aumenta tan vou ba Nasaun Filipina no Tailandia depende ba merkadu, se iha proibilidade bele aumenta tan aviaun para bele vou direta ba nasaun Korea.
Entretantu Tuir Estandar Aeroportu Internacional kada aviaun ida tenke-ser halo rotasaun durante oras 300 kada fulan.
Reportajem : Estajiadu Marito
Foto Marito