Dili, 19 Marsu 2025 (Média Democracia) – Assosiasaun Jornalista Timor-Leste AJTL realiza atividade meza redonda ho tema média jornalizmu no diretu umanu hodi diskute kona-ba lala’ok jornalista nian ba halo kobertura iha terenu, atividade ne’e realiza iha salaun HAK Farol tersa semana ne’e
Tuir Prezidente Assosiasaun Jornalista Timor-Leste AJTL Zeovonia Viera iha diskursu hateten, ohin realiza atividade ida ne’e hodi kolia foku liu kona-ba jornalista inkluzivu, diretu dizital, lei subernetiku nomos impoesia husi média inklui direitu umanu
“Atividade hirak ne’e realiza iha tinan ida nia laran fahe formasaun ba grupu haat nune’e bele aumenta sira nia koiñesementu no kapasidade oinsá mak atu halo kobertura ne’ebé di’ak iha sala redasaun liga ho direitu umanu, asuntu feto no labarik inklui ema ho defisiensia nomos grupu marnelizadu hanesan LGTI.” Dehan Prezidente Assosiasaun Jornalista Timor-Leste AJTL Zeovonia Viera
Nia hatutan oinsa jornalista rasik atu komprende kona-ba importansia husi liberdade imprensa no liberdade expresaun iha nasaun demokratiku no lei ne’ebé presiza hasa’e koiñesementu no kapasidade jornalista nian bainhira halo kobertura liga ho direitu umanu.
“Atividade hala’o ohin AJTL reliza atividade meza aredonda hodi konvida organizasaun sira mai ho perspetiva oioin hanesan organizasaun sivil, governu liuhusi SEKOMS, PDHJ, jornalista nomos Konsellu Imprensa rasik.” Dehan nia
Nia salienta atividade ne’e importante tebes tanba iha nasaun demokratiku ita kontinua halo planu no promove asuntu oioin hanesan direitu umanu ho diversidade ne’ebé inkluzivu mai husi sala redasaun ida-idak nian.
“Monitorizasaun husi konsellu Imprensa nia haree kona-ba jornalista nia kobertura relasiona ho aspetu importante sira, dalabarak publiku preokupa ligadu ho jornalista nia kobertura seidauk sensivel ba asuntu importante. Relasiona ho asuntu hirak ne’e ami hakarak konvida ema importante sira husi governu iha politika atu kontinua promove direitu umanu iha espasu dizital no siviku.” Nia afirma
Esplika liután husi PDHJ ne’ebé durante ne’e luta ba diretu umanu no justisa, husi organizasaun sivil, husi feto no labarik, difefisiensia, LGTI+Q, oinsá atu refleta katak reprezenta publika informasaun kona-ba direitu umanu, nune’e publiku sira bele asesu durante ne’e akontese iha Timor-Leste.
Iha sorin seluk Prezidente Konsellu Imprensa Otelio Oté hateten, ohin realiza atividade ne’e di’ak tebes atu informa kona-ba protesaun diretu umanu liu-liu diretu ba ema hotu-hotu asesu informasaun
“Ha’u hakarak agradese ba RHTO tanba rekoñese kona-ba formasaun ne’ebé ami halo ba jornalista sira atu hetan karteira profisional funsiona haree katak iha mudansa ba jornalista nia sentimentu sensivel ne’ebé produsaun notisia kona-ba informasaun ema ho kondisaun difisienesia.” Dehan Prezidente Konsellu Imprensa Otelio Oté
Nia hatutan iha artigu 19 koalia kona-ba konvensaun direitu umanu ne’ebé ema hotu iha direitu hanesan iha publiku maibé iha artigu 40 no 41 atu haforsa iha artigu 19 ne’e uza halo aprezentasaun iha fatin oioin kona-ba direitu liberdade opiniaun no liberdade expresaun no imprensa iha rai laran.
“Iha Timor-Leste ema hotu iha diretu hanesan ne’ebé iha artigu 40 no 41 atu haforsa ba iha artigu 19 dalabarak ami uza hodi halo aprezentasaun iha fatin oioin kona-ba diretu liberdade opiniaun nomos liberdade expresaun no imprensa iha ita-nia rai laran. Ami mós temi kona-ba ita-nia lider nasional Joe Ramos Horta no Kayrala Xanana Gusmão ne’ebé sai hanesan lalenok ba média no jornalista sira iha Timor-Leste.” Dehan nia
Nia afirma Konsellu Imprensa nia estabelesementu ne’e ho razaun atu sai mahon ba média no jornalista sira hotu-hotu iha Timor-Leste no asegura sidadaun hotu atu asesu ba informsaun
Esplika liutan, tan ne’e husi inisiu harii Konsellu Imprensa hahú ona buka dalan oioin atu eleva kapasidade jornalista sira nia koñesementu kona-ba direitu umanu husi perspetiva média nian iha Timor-Leste. Husu média hotu-hotu tenke luta maka’as atu intende kona-ba asuntu hodi halo kobertura nune’e bele fó sai informasaun hodi hetan apresiasaun husi publiku ne’ebé di’ak.
Reportajen : Nelfiano
Foto : Nelfiano