Dili, 13 Marsu 2025 (Média Democracia) – Governu liuhusi ALFAESA I.P reativa hikas empreza Perissos bele hala’o atividade hanesan baibain ba publiku bele asesu tanba kumpri ona rekejitus balun ne’ebé durante ne’e sira komete, atividade ne’e hala’o iha Empreza Perissos Hudi-laran kuarta semane ne’e
Inspetóra Jerál ALFAESA I.P, Odete da Silva Viegas, Dermatologista, hateten hahú loron 15 fevereiru ALFAESA halo servisu intensivu tebes-tebes ba empreza perissos hodi taka provizoriu ba atividade negosiu nian, tanba komete infrasaun maibé ohin loke fila-fali tanba kumpri ona rekejitus
“Iha loron 15 Fevereiru ita detekta empreza perissos nian komete iregularidade lubuk ida ekipa konsege halo salajen iha loron 19 ba armajen Lrafa no hudi-laran. Halo salajen tanba ekipa ALFAESA identifika katak iha iregularidade hijene no ventilasaun nomos produtu expira, entaun ita halo asaun asesorial salajen tempurariu ba fulan ida to’o fulan tolu.” Dehan Inspetóra Jerál ALFAESA I.P, Odete da Silva Viegas
Nia hatutan objetivu atu fó biban ba kompañia sira atu hadia fali prosedementu ne’ebé durante ne’e ALFAESA fó, maibé kompaña sira la kumpri regras refere depois halo salajen kompaña nafatin halo atividade servisu, nune’e informa ba ALFAESA kona-ba reeinspesaun ba servisu ne’ebé kompaña durante loron liuba
“Ekipa ALFAESA hamutuk ho ekipa konjunta halo reeinspesaun dalatolu ba kompaña perissos ikus liu loron horsehik rekomendasaun hamutuk 22 fó ba kompaña perissos konsege kumpri ona rekejitu hirak ne’e, entaun ita deside hodi fó oportunidade ba sira atu halo’o atividade negósiu hanesan tempu baibain ba publiku bele asesu.” Dehan nia
Nia salienta maibé prosesu administrativu kontra ordenasaun nafatin lao tanba notifika ona empreza iha 11 signifika dentru husi 30 dias bele hato’o sira nia rekursu no aseita ho regras ne’ebé Alfaesa fó, karik kompaña la aseita tenke justifika tanba saida mak kompaña la aseita nune’e husi alfaesa bele hato’o ona sensaun ba koimas kona-ba iregularidade ne’ebé sira komete
Iha sorin seluk reprezenta kompañia perissos Cansio hateten, bazeia ba inspesaun ne’ebé Alfaesa halo iha loron 15 fevereiru identifika katak kompaña halo infrasaun tuir pespetiva iha Item hamutuk 22 mak halo violasaun kontra lei entaun hamosu desizaun tempuraria husi 19 fevereiru atu hadia item kontra regras Alfaesa nian
“Husi 15 fevereiru Alfaesa identika katak ami halo infrasaun tuir perspetiva Alafesa nian no identifka Item hamutuk 22 ne’ebé halo violasaun, entaun hamosu desizaun tempuraria notifika husi 19 fevereiru haruka ami atu hadia fatin ida ne’e hodi bele kooresponde ba pedidu item husi desizaun temporaria ne’ebé Alfaesa deside.” Dehan Reprezentante Kompaña perissos Cansio Freitas
Nia hatutan prazu ne’ebé Alfaesa fó ba kompaña atu hadia fatin hamutuk loron 30 nia laran nune’e bele hadia item hirak ne’ebé kontra infrasaun karik kumpri ona hafoin Alfaesa bele loke hikas atividade negósiu hanesan tempu bai-bain
Esplika liután katak ohin ALFAESA humutuk ekipa konjunta sira seluk atu reativa fila-fali kompaña perissos atu kontinua hala’o negósiu fila-fali signifika katak, husi ohin ba oin livre atu halo negósiu tanba kumpri ona rekejitus ne’ebé sira komete
Reportajen : Nelfiano
Foto : Nelfiano