Dili, 10 Fevereiru 2025 (Média Democracia) – Administrador Autoridade Nasional de Comunicação de Timor-Leste (sigla portuges) servisu hamutuk ho JICA hodi fó seminariu ba tekniku ICT iha Pusat Budaya Indonésia, Mascarinas.
Autoridade Nasional Telekomunikasaun Novelino dos Santos hateten, husi aktividade seminariu ne’e importante tebes kona-ba Cyber-Security hodi publika no luta kolektivu hodi kontra ignoransia no luta oinsa atu bele mellora di’ak liután koñesimentu tekniku kona-ba cyber média.
“Aktividade ohin ne’e ita ko’alia kona-ba seminariu cyber-security hodi publika no luta kolektivu no kontra ignoransia no luta oinsa atu bele melhora di’ak liután koñesimentu tekniku ba cyber média, algu prinsipal mak aktividade seminariu ne’e tekniku ICT hotu-hotu partisipa, ida atu mellora sira-nia koñesimentu no eleva sira nia kapasidade oinsa atu bele hatene komabate no iha preparasaun ne’e tekniku preparadu no identifika lakunas sira ne’ebé impotensia krime ataka ba cybernetika ninian, entaun ida ne’e hanesan termus ida hodi asegura dadus no asegura tekniku.” Dehan Autoridade Nasional Telekomunikasaun Novelino dos Santos
Nia hatutan tan katak sira halo kooperasaun ho JICA atu hametin liután bilateral no aprende husi peritos sira kona-ba cybernetika.
“Normalmente iha koooperasaun dezenvolvimentu teknolojiku halo kooperasaun ho JICA ne’e atu hametin liután ita-nia bilateral no ita mós bele aprende liután husi peritos Indonésia ne’ebé sei fahe oituan sira nia koñesimentu tekniku iha area sira ne’ebé koalia kona-ba kombate krime cybernetika no estratejika ho aprosimasaun tekniku ne’ebé mais detallu ita sei akompaña direita hodi garante futuru independente no livre husi atake sira ne’ebé mai husi krime cybernetika.” Hatutan Autoridade Nasional Telekomunikasaun Novelino dos Santos
Nia hateten katak ne’e oportunidade di’ak no husu ba partisipantes hotu atu aprende didiak siênsia ne’ebé peritos cyber internasional sira fahe tanba sai hanesan bukae ida no prepara-aan ba iha futuru.
“Partisipantes sira hotu momentu ne’e oportunidade, aprende didiak siênsia sira ne’ebé peritos cyber Internasional sira fó, husi sira-nia matenek ne’ebé sira fó ne’e sai hanesan bukae ida ba tekniku sira atu prepara-an diak liután iha futuru hodi dezenvolve kestaun sira teknolojia iha Timor.” Esklarese Novelino dos Santos
Nia afirma katak atu asegura soberania independente ida atu lable ataka iha kualker instituisaun ka husi instituisaun seluk ne’ebé hanaran HACKER entaun ida ne’e hanesan oportunidade ne’ebé di’ak ba tekniku ICT sira atu aprende no hasa’e tan kapasidade tekniku ICT nian.
Esplika liután katak Administrador Tekniku Autoriedade Nasional Telekomunikasaun servisu hamutuk ho JICA hodi fó formasaun kona-ba Cyber-Security ba tekniku ICT hodi aumenta kapasidade no koñesementu kle’an liután iha areá cyber media nian, nune’e bele asegura kualker instituisaun iha Timor-Leste
Reportajen : Ella
Foto : Ella