Dili, 07 Outubru 2025 (Média Democracia) – Autoridade Protesaun Sivil (APC), liuhsi Xefe Gabinete Relasaun Externa no Komunikasaun realiza komunikadu imprensa relasiona ho dezastre ne’ebé akontese iha loron 29 fulan Setembru to’o loron 06 fulan Outubro tinan 2025. Konferensia ne’e hala’o iha Salaun APC, Segunda semana ne’e.
Xefe Gabinete Relasaun Externa no Komunikasaun APC, Nelson de Jesus Orleans hateten, durante dezastre naturais akontese iha Munisípiu hitu, APC rejistu uma latama kriteria apoiu emerjensia uma 1 no numeru uma ne’ebé priense kriteria ka afetadu hamutuk 13. Nune’e APC iha Munisípiu apoiu kedas emerjensia ba vitima sira ne’ebé hetan dezastre.
“Durante semana ida nia laran iha Munisípiu haat Autoridade Protesaun Sivil, Sekretariu Estadu Protesaun Sivil rejistu Xefi familia uma-ka’in hamutuk 13 hetan estragus husi dezastre naturais, apoiu de’it emerjensia 1 no ema afetadu hamutuk 74, evakua hamutuk 19.” Dehan Xefe Gabinete Relasaun Externa no Komunikasaun, Nelson de Jesus Orleans
Xefe Gabinete Relasaun Externa no Komunikasaun APC hatutan, iha Munisípiu hitu, APC registu uma estragus hamutuk 13 hetan estragus husi, anin sobu 9, ahi-han 5 no ema ida lakon vida, husi dezastre ne’ebé akontese durante semana rua nia laran.
“Iha Munisípiu Aileu, Postu Remexio, Suku Tulataqueu, Aldeia Dasilelo iha loron 26/09/2025 akontese anin sobu komunidade nia uma kategoria aat kaman. Iha Munisípiu Ainaro, Postu Maubisse, Suku Maubisse, Aldeia Urahou, iha 28/09, akontese ahi-han komunidade nia uma, aat total. Iha Munisípiu Baucau, Postu Quelicai, Suku Lakuliu, Aldeia Makububo, iha 24/09, akontese anin sobu komunidade nia uma, aat kaman. Suku Letemumo, Aldeia Letenel, iha 24/09, akontese anin sobu komunidade nia uma, aat kaman. Suku Makalaku, Aldeia Usilai, iha loron 26/09, akontese anin sobu komunidade nia uma, aat kaman.” Hatutan Dehan Xefe Gabinete Relasaun Externa no Komunikasaun GREK
Xefe Gabinete informa, iha Suku Makalaku, Aldeia Makalira, loron 26/09, akontese anin sobu komunidade nia uma, aat kaman. Suku Makalaku, Aldeia Defadae, loron 26/09, akontese anin sobu komunidade nia uma, aat kaman. Postu Vemasse, Suku Ostico, Aldeia Bahamori, loron 26/09, akontese anin sobu komunidade nia uma, aat kaman. Postu Venilale, Suku Fatuliu, Aldeia Uai-tob-ono, iha loron 23/09 akontese anin sobu komunidade nia uma ida.
“Iha Munisípiu Lautem, Postu Lore, Suku Lore 1, Aldeia Vailana, iha loron 03/10, akontese Lafaek tata komunidade 1 ho identidade kompletu Nascimento Provinsial, hafoin vitima refere ho nia kolega nain 5 hala’o atividade kail iha Mota Namlutuk, Iha oras 19:00 kalan, Enkuantu vitima hetan fali iha oras 02:00 ka 04/10/2025 Madrudaga.” Informa Xefe Gabinete Relasaun Externa no Komunikasaun, Nelson de Jesus Orleans
Nia afirma, iha Munisípiu Liquiça, Postu Maubara, Suku Vatuvou, Aldeia Gariana, loron 01/10, akontese ahi han komunidade nia uma, aat kaman. Alende ne’e iha RAEOA, Sub Rejiaun Pante Makassar, Suku Bobokase, Aldeia Fatubijae, iha loron 28/09, akontese ahi han komunidade nia uma 1 hetan de’it autu emerjénsia. Iha Suku Costa, Aldeia Oetfo, iha loron 28/09, akontese ahi han komunidade nia uma 1 aat total, vitima evakua ba familia nia uma.
Entertantu iha Munisípiu Viqueque, Postu Uatu-Lari, Suku Babulu, Aldeia Ahabu’u, iha loron 28/09, akontese ahi han komunidade nia uma ida aat total vitima evakua ba familia nia uma. Postu Viqueque villa, Suku Bahalara uain, Aldeia Wetali tua, iha loron 30/09, akontese ahi han komunidade nia uma, aat total vitima evakua kedas ba familia nia uma.
Esplika liután Autoridade Protesaun Sivil, alerta informasaun previzaun tempu husi Diresaun Nasional Meteorologia no Geofisica (DNMG)-MTC, iha semana kotuk atmosfera di’ak naroman ho kalohan balun kuaze iha teritoriu nasional kauza udan Chuviska liu-liu iha kosta sul no rejiaun sentral hanesan Manufahi no Ainaro.
Repotajen : Nelfiano
Foto : Nelfiano