Dili, 11 Setembru 2025 (Média Democracia) – Autoridade Protesaun Civil APC servisu hamutuk Embaixada Estadus Unidus America iha Timor-Leste, realiza workshop kona-ba jestaun dezastre ne’ebé durante ne’e akontese iha Timor-Leste, atividade sorumutu ne’e hala’o iha Salaun Palm Springs Hilton.
Sekretariu Estadu Autoridade Protesaun Civil, Domingos Mariano Reis heteten, ohin realiza sorumutu ne’e kona-ba jestaun dezastre fasilita husi Center For Exelelence in Desaster Management (CFE-DM) nune’e suporta husi Rhode Island National Guard (RING).
“Atividade sorurutu koalia kona-ba programa Kooperasaun Sivil Militar ba Jestaun Dezastre iha Timor-Leste atu resposta ba dezatre ne’ebé akontese iha Timor-Leste inklui nasaun seluk, tanba ne’e ohin ita realiza workshop ba loron tolu nia laran oinsa atu hasae koiñesementu ba lideransa no mobiliza rekursu atu resporta ba vitima dezastre naturais nian iha Timor-Leste.” Dehan Sekretariu Estadu Autoridade Protesaun Civil, Domingos Mariano Reis
Sekretariu Estadu Autoridade Protesaun Civil hatutan, atividade ne’e atu hasa’e partisipante nia koiñesimentu kona-ba jestaun lideransa atu halo mobilizasaun no komunikasaun entre parseru no instituisaun sira bele halo resposta emerjensia ba dezastre naturais iha Timor-Leste.
Iha fatin hanesan Embaixada Estadus Unidus America iha Timor-Leste, Sergio Villarreal hateten, atividade ida ohin Embaixada Estadus Unidus America servisu hamutuk ho Autoridade Protesaun Civil atu haree kona-ba dezastre ne’ebé sempre akontese iha Timor-Leste.
“Sorumutu ida ohin atu estuda hamutuk hodi troka ideia ba malu hodi haree medida saida mak importante no apropriadu liu halo jestaun ba dezastre nune’e bele responde ba dezastre naturais ne’ebé kada tinan sempre akontese iha Timor-Leste.” Dehan Embaixada Estadus Unidus America iha Timor-Leste, Sergio Villarreal
Embaixada Estadus Unidus America hatutan, agradese tebes Autoridade Protesaun Civil tanba bele halo ona kooperasaun di’ak hodi halo jestaun ba dezastre naturais Embaixada Estadus Unidus America iha Timor-Leste hodi haree kona-ba dezastre naturais.
Esplika liután Autoridade Protesaun Civil APC servisu hamutuk Embaixada Estadus Unidus America realiza sorumutu durante loron tolu hodi fahe formasaun kona-ba jestaun dezastre ba parsesu sira nune’e bele resposta ba dezastre ne’ebé akontese iha Timo-Leste.
Reportajen : Nelfiano
Foto : Nelfiano