Dili, 26 Agostu 2025 (Média Democracia) – Autoridade Protesaun Sivil iha loron 18-25 fulan Agustu tinan ne’e durante semana ida, rejistu ema hamutuk 49 afeita ba dezastre naturais ne’ebé akontese iha Munisípiu hitu. Konferensia ne’e hala’o segunda semana ne’e.
Xefe Seksaun Komunikasaun APC, Genoveva Fernandes Almeida hateten, akontesimentu dezastre iha Munisípiu hitu, APC registu uma latama kriteria apoiu de’it emerjensia uma 2 no numeru uma ne’ebé priense kriteria ka afetadu hamutuk 6, nune’e APC destakadu iha Munisípiu apoiu kedas emerjensia ba vitima sira ne’ebé hetan dezastre.
“Iha semana ida nia laran iha Munisípiu 7 Autoridade Protesaun Sivil, Sekretariu Estadu Protesaun Sivil rejistu Xefi familia uma-ka’in hamutuk 6 hetan estragus husi dezastre naturais, apoiu de’it emerjensia 2 ne’ebé akontese ba ema afetadu 49 no evakua 4.” Dehan Xefe Seksaun Komunikasaun APC, Genoveva FernandesAlmeida
Xefe Seksaun Komunikasaun APC hatutan, iha Munisípiu 7 mak APC rejistu uma-kain 8 hetan estragus husi, anin sobu-uma 4 no ahi-han uma 4. Uma sira ne ‘e hetan estragus husi dezastre ne’ebé akontese iha semana ne’e nia laran.
“Munisípiu hitu ne’ebé hetan estragus hanesan Munisípiu Aileu, Remexio post, Suku Tulatakeu, Aldeia Samalete, iha 10/08/2025 akontese anin sobu komunidade nia uma ida no tama kategoria aat. Ainaro, Postu Hato-Udo, Suku Leolima, Aldeia Nuno Boco, iha 19/08, akontese ahi-han komunidade nia uma 1, A’at total. Bobonaro, Mali post, Suku Ritabou, Aldeia Moleana iha loron 18/08/2025 akontese ahi-han komunidade nia uma 1, A’at total. iha Munisípiu Ermera, Post Railaco, Suku Uma Railaco Kraik, Aldeia Riamori, loron 18/08, akontese ahi-han komunidade nia uma 1, a’at total. Lautem, Postu Lautem, Suku Maina 1, Aldeia Soleresi, iha 22/08/2025 akontese anin sobu komunidade nia uma 1, la tama kategoria, apoio deit emergensia. Liquisa, Hafoin Liquisa Villa, Suku Leotal, Aldeia Manati, iha loron 17/08, akontese anin sobu komunidade nia uma 1, simu de’it apoiu emergensia. RAEOA, Sub rejiaun Silo Minarai nian, Suku Usitasae, Aldeia Pune, iha loron 16/08/2025 akontese anin sobu komunidade nia uma 1. Iha Nitibe nia ukun, Suku Lela-Ufe, Aldeia Hauofe, iha loron 19/08, akontese ahi-han komunidade nia uma 1, a’at Kaman.” Hatutan Xefe Seksaun Komunikasaun APC.
Autoridade Protesaun Sivil alerta ba públiku katak, bazeia ba informasaun previzaun Tempu husi Diresaun Nanional Meteorolojia no Jeofisika, iha semana kotuk nia laran husi loron 18-25 Agostu. Kondisaun tempu iha semana kotuk nia laran atmosfera estavel ka naroman iha teritoriu Nasional maibé iha rejiaun Sentral liu-liu iha parte foho mak kalohan taka, kauza udan suviska iha Munisipiu sira hanesan Lautem (Iliomar), Manufahi no Viqueque.
Nia informa temperatura másimu iha teritóriu nasionál varia husi 23-32 °C no mínimu 19-23 °C. Kondisaun anin hu’u ho velosidade normal iha rejiaun sentral no anin hu’u ho velosidade naton iha kosta Norte no Sul liuliu Dili, Atauro, Lautem, Baucau, Viqueque, Manufahi, Manatuto nomos Covalima. Kondisaun Laloran tasi kosta Norte varia husi 0.1-1.0 metru Kategoria Normal, Laloran tasi kosta Sul varia husi 0.75-1.5 metru Kategori Normal-Naton.
Esplika liután vitima ba dezastre naturais hamutuk uma-kain 8 daudaun ne’e hetan ona apoiu emerjensia husi komandu APC ho parseriu relevante iha Munisípiu ida-idak nian apoiu ai-han no la’os aihan, no Komandu Operasional Autoridade Protesaun Sivil Munisípiu sira sei kontinua halo levantamentu dadus ba uma-kain seluk ne’ebé hetan estragus.
Reportajen : Nelfiano
Foto : Nelfiano