Dili, 28 Jullu 2025 (Média Democracia) – Autoridade Protesaun Sivil iha loron 14-21 Fulan Jullu tinan 2025 durante semana ida, Autoridade Protesaun Sivil rejistu familia uma-ka’in hamutuk 28 hetan estragus husi dezastre naturais ne’ebé akontese iha Munisípiu (9) iha semana ne’e, Konferensia ne’e hala’o iha Saluan APC Caicoli Dili.
Pontu Fokal GREK ba Média APC Munisípiu Dili Mateus da Costa hateten, durante akontesimentu dezastre iha Munisípiu 9, APC registu uma latama kriteria apoiu de’it emerjensia uma-kain 10 no numeru uma ne’ebé priense kriteria ba afetadu hamutuk 18, nune’e APC Munisípiu apoiu kedas emerjensia ba vitima ne’ebé hetan dezastre.
“Durante semana ida nia laran iha munisípiu 9, Sekretariu Estadu Protesaun Sivil rejistu Xefe familia uma-ka’in hamutuk 18 hetan estragus husi dezastre naturais, apoiu de’it emerjensia 10 ne’ebé akontese ba ema afetadu 153 no evakua 21.” Dehan Pontu Fokal GREK Mateus da Costa
Pontu Fokal GREK hatutan iha Munisípiu 9 ne’e APC rejistu uma 28 hetan estragus husi anin sobu uma 18, ahi-han uma 10, hetan estragus husi dezastre ne’ebé akontese durante semana ida iha fulan Jullu nia laran.
“Munisípiu 9 ne’ebé hetan estragus hanesan Munisípiu Aileu, Postu Remexio Suku Padabloco, Aldeia Liqueisa, iha loron 11/07/2025 akontese anin sobu komunidade nia uma 1, prense kriteria kategoria aat kaman. Postu Remexio Suku karihini, Aldeia Karimou, iha loron 13/07/2025 akontese anin sobu komunidade nia uma 1, maibé apoiu emerjensia de’it, tanba uma dapur. Suku Tulatakeu, Aldeia Samlete, iha loron 12/07/2025 akontese anin sobu komunidade nia uma 1 prense kriteria kategoria aat kaman. Postu Aileu Villa Suku Hurai Raco, Aldeia Maurusa, iha loron 14/07/2025 akontese anin sobu komunidade nia uma 1, prense kriteria kategoria aat kaman. Munisípiu Ainaro, Postu Maubisse, Suku Maulau, Aldeia Lakmalicau, iha loron 16/07/2025 akontese ahi-han komunidade nia uma 2, prense kriteria kategoria aat total. Munisipio Baucau, Postu Quelicai, Suku Lakuliu, Aldeia Makububo, iha loron 06/07/2025 akontese anin sobu komunidade nia uma 2, prenxe kriteria kategoria aat naton. Postu Venilale, Suku Umanaulo, Aldeia Kaihula, iha loron 14/07/2025 akontese anin sobu komunidade nia uma 1, prienxe krieria kategoria aat naton. Munisípiu Bobonaro, Postu Maliana, Suku Raifun, Aldeia Raifun vila, iha loron 14/07/2025 akontese anin sobu komunidade nia uma 1, kategori aat total. Postu Cailaco, Suku Goulolo, Aldeia Suri-ubun, iha loron 16/07/2025 akontese anin komunidade nia uma 1, monu kauza husi Ai-rin mak Lahuk ona maibé hetan apoio emerjensia de’it. Munisipiu Dili, Post Dom Aleixo, Suku Comoro, Aldeia 4 September, iha loron 07/04/2025 akontese ahi-han komunidade nia uma 1 apoiu deit emerjensia tanba okupa rai estadu. Suku Comoro, Aldeia 12 Oktober, iha loron 14/07/2025 akontese ahi-han komunidade nia uma ida, apoiu de’it emerjensia tanba okupa rai estadu. Suku Bairo Pite, Aldeia Rio de Janeiro, iha loron 15/07/2025 akontese ahi-han komunidade nia uma 1, kategori aat total. Munisipiu Ermera, Postu Ermera, Suku Humboe, Aldeia Hatali, iha loron 07/10/2025 akontese ahi-han komunidade nia uma 1, prienxe kriteria kategoria aat naton. Postu Railaco, Suku Fatuquero, Aldeia Palimano, iha loron 07/10/2025 akontese ahi-han komunidade nia uma 1, la prienxe kriteria apoiu deit emerjensia. Suku Tocoluli, Aldeia tahubate, iha loron 14/07/2025 akontese ani-sobu komunidade nia uma 1, la priense kriteria apoiu de’it emerjensia. Postu Hatulia A, Suku Ailelo, Aldeia Santa Cruz, iha loron 14/07/2025 akontese anin-sobu komunidade nia uma 1, prienxe kriteria kategoria aat kaman. Postu Hatulia B, Suku Fatubesi, Aldeia Lebumeo, iha loron 15/07/2025 akontese ahi-han komunidade nia uma 1, prienxe kriteria kategoria aat naton. Suku Lisapat, Aldeia Hatupae, iha loron 10/07/2025 akontese anin-sobu komunidade nia uma 1, prienxe kriteria kategoria a’at naton. Munisipiu Manatuto, Postu Laclo, Suku lacumesak, Aldei Hatu Conha, iha loron 15/07/2025 akontese anin-sobu komunidade nia uma 2, prienxe kriteria kategoria aat kaman. Suku lacumesak, Aldei Hatu-Conha, iha loron 16/07/2025 akontese ahi-han komunidade nia uma 1, prienxe kriteria kategoria aat total. Munisipiu Manufahi, Postu Fatuberliu, Suku Fatukahi, Aldeia Fukiran, iha loron 14/07/2025 akontese-anin boot halo ai-tohar hanehan komunidade nia uma 1, prienxe kriteria kategoria aat kaman. RAEOA, Sub. Rejiaun Oesilo, Suku Usitasae, Aldei Pune, iha loron 16/07/2025 akontese anin-sobu komunidade nia uma 1. la prienxe kriteria hetan de’it support emerjensia. Sub Rejiaun Pante Makassar, Suku Bobokase, Aldeia Behala, iha loron 17/07/2025 akontese ahi-han komunidade nia uma 1, prienxe kriteria kategoria aat total. Munisipiu Viqueque, Postu Uatu-Carbau, Suku Afaloicai, Aldeia Lai Uala, iha loron 07/12/2025 akontese anin-sobu komunidade nia uma 1, prienxe kriteria kategoria aat naton, Postu Viqueque, Suku Luca, Aldeia Canlor, iha loron 14/07/2025 akontese anin-sobu komunidade nia uma dapur 1, la prienxe kriteria hetan de’it apoiu emerjensia.” Informa Pontu Fokal GREK
Esplika liután vitima ba dezastre naturais hamutuk uma 28 sira hetan ona apoiu emerjensia husi komandu APC ho parseriu relevante sira, iha Munisipiu ida-idak apoiu ai-han no la’os aihan, no Komandu Operasional Autoridade Protesaun Sivil Munisipiu sira sei kontinua halo levantamentu dadus ba uma-ka’in ne’ebé hetan estragus makas no uma ne’ebé hetan estragus naton.
Reportajen : Nelfiano
Foto : Nelfiano