Dili, 27 Juñu 2025 (Média Democracia) – Prezidenti Repúblika Demokrátika Timor-Leste no Governu Konstitusionál IX organiza Sorumutu hodi aprezenta relatoriu avaliasaun komprensivu husi Programa Promosaun Turizmu Timor-Leste (PPTTL) 2024, hodi reforsa kompromisu nasaun nian ba dezenvolvimentu turizmu sustentável liuhusi planeamentu bazeia ba evidénsia no governasaun inkluziva. Atividade ne’e hala’o Palasiu Prezidenti, kinta feira semana ne’e.
Sorumutu ne’ebé hala’o iha Salaun Xina, Palásiu Prezidensial Nicolau Lobato, halibur ofisiál superiór governu nian, stakeholder turizmu, no hodi halo revizaun ba realizasaun xave sira, avalia impaktu ekonómiku, no define diresaun estratéjiku ba setor turizmu Timor-Leste nian.
Vise Primeiru Ministru no Ministru Turizmu no Ambiente, Francisco Kalbuadi Lay hato’o diskursu abertura kona-ba Promosaun Turizmu iha Timor-Leste no ofisialmente inagura sorumutu ne’e. Iha nia diskursu, Vise Primeiru Ministru subliña dedikasaun governu nian atu pozisiona turizmu nu’udar fundasaun ba dezenvolvimentu ekonómiku sustentável.
“Institutu Tony Blair aprezenta vizaun jerál ida ne’ebé detallu kona-ba relatóriu avaliasaun nian, destaka susesu operasionál, identifika dezafiu implementasaun, no fornese rekomendasaun estratéjiku ba inisiativa turizmu iha futuru. Apresentasaun ne’e subliña programa nia impaktu ekonómiku sira ne’ebé bele sukat no trasa dalan hodi hasa’e kreximentu setór nian.” Vise Primeiru Ministru no Ministru Turizmu no Ambiente, Francisco Kalbuadi Lay
Sorumutu ne’e aprezenta sesaun diskusaun aberta dinámiku iha ne’ebé stakeholder sira envolve iha diálogu signifikativu kona-ba rezultadu importante no explora oportunidade ba kolaborasaun ne’ebé espandi. Aprosimasaun inkluziva ida-ne’e demonstra governu nia kompromisu ba governasaun transparente no envolvimentu komunidade iha dezenvolvimentu turizmu.
“Eventu ne’e ezemplifika parseria susesu entre Prezidénsia Repúblika no Governu Konstitusionál IX, iha lideransa Prezidente no Laureadu Nobel ba Pás, José Ramos-Horta. Sinerjia institusionál ida-ne’e sai instrumentál hodi lori progresu signifikativu iha setor turizmu Timor-Leste nian liuhusi implementasaun polítika ne’ebé koordenadu no envolvimentu stakeholder sira.” Hatutan Vise Primeiru Ministru no Ministru Turizmu no Ambiente, Francisco Kalbuadi Lay
Iha ninia diskursu enseramentu, Vise Primeiru Ministru Kalbuadi Lay reafirma Timor-Leste nia dedikasaun atu avansa turizmu nu’udar pilar dezenvolvimentu sustentável, hodi subliña governu nia kompromisu atu harii liuhusi lisaun sira ne’ebé aprende husi PPTTL 2024 hodi hasa’e estratéjia promosaun turizmu iha futuru.
“Sorumutu ne’e remata ho rekomendasaun téknika husi Institutu Tony Blair, hodi rezumu pontu asaun xave sira ne’ebé sei orienta implementasaun inisiativa estratéjiku sira turizmu nian ba oin.” Reafirma Francisco Kalbuadi Lay
Sorumutu avaliasaun ida ne’e reprezenta pasu signifikativu ida iha Timor-Leste nia esforsu sira ne’ebé la’o hela atu dezenvolve indústria turizmu ida-ne’ebé forte no sustentável ne’ebé fó benefísiu ba komunidade lokál sira enkuantu hatudu nasaun nia patrimóniu kulturál riku no beleza naturál ba mundu.
Vise Primeiru Ministru no Ministru Dezenvolvimentu Rural, Mariano Assanami Sabino, nu’udar Prezidente Komisaun PPTTL 2024, hato’o agradesimentu ba implementasaun susesu no serimoniálmente simu Relatóriu Avaliasaun PPTTL 2024, marka pasu signifikativu ida iha viazen dezenvolvimentu turizmu nasaun nia.
Reportajen : Domingas
Foto ; Domingas