Dili, 05 Marsu 2025 (Média Democracia) – Asosiasaun Maneo hari’i iha 14 de Juñu iha 2014 ho programa asuntu feto liu-liu ba atividade divizaun primeiru nian mak prevensaun violensia bazeia ba jeneru no programa hakbiit haforsa asaun kolektiva ba igualidade jeneru no programa kona-ba dezastre dijiprojek
Tuir Diretora Ezekutiva Asosiasaun MANEO Ramela da Costa hateten, Asosiasaun MANEO hari’i iha programa tolu hodi tau-matan ba komunidade sira liu-liu ba ema vulneravel iha suku sanulu resin-ualu durante ne’e hasoru problema oioin iha baze
“Ami nia aktividade ne’e halo iha suku (8) maibé iha aktividade konsiensia sosial prevensaun ba violensia bazeia ba jeneru ami halo iha rejional Oe-cusse ba iha suku (8) no aldeia sira ne’ebé iha, tanba ida ne’e ami halo sosializasaun ba komunidade sira.” Dehan Diretora ezekutiva Asosiasaun Maneo Ramela da Costa
Nia hatutan aktividade hanesan programa hakbiit ne’ebé halo iha suku lima (5) ne’ebé iha areá pante makasar nomos iha sub rejiaun Nitibe no iha suku tolu (3) ne’ebé kobre no iha aldeia sanulu resin ida
“Aktividade ne’e foku ba iha responde ba dezastre no rezilensia ba mudansa klimatika nian, aktividade ne’e ami hetan apoiu husi OXFAM liuhusi programa hanaran DRP, ne’ebé ami hetan iha inisiu halo parseria hamutuk ho OXFAM iha 2018 hahu husi ne’ebá ami lao hamutuk hodi servisu iha suku rua (2) dadauk ne’e iha Suni-Ufe nomos iha suku Nitibe.” Dehan nia
Nia salienta aktividade seluk responde ba dezastre iha programa EL-nino ne’ebé halai liubá mudansa klimatika. Aktividade hirak ne’e hanesan konservasaun ba bee-matan sira no tekniku ne’ebé iha hamutuk ho komunidade sira membru KJDS halo konstrusaun tanki bee moos hodi nune’e bele kanaliza bee moos ba komunidade sira
“Atividade ne’ebé hala’o iha suku Suni-ufe ami konsege konserva bee matan rua iha suku naimeko ami konsege konserva bee matan ida no dadauk ne’e ami halo kanalizasaun bee matan ba kumunidade sira, ami konstrui tanki tolu (3) ne’ebé hetan apoiu liuhusi projetu El-nino ne’e rasik.” Nia haktuir
Nia afirma aktividade ne’ebé hala’o ne’e hanesan observasaun bee-matan iha area protejidu maibé komunidade sira ladun tau importansia no animal sira hodi estraga bee-matan entaun volume bee-matan ne’e menus no hetan estragu
Reportajen : Nelfiano
Foto : Nelfiano