Dili, 27 Fevereiru 2025 (Média Democracia) – Bee Timor-Leste, Empreza Públika (BTL,EP) hamutuk ho Ministériu Obras Públika realiza serimónia Lansamentu Kódigu Konduta no Hand Over ba Kareta BTL, E.P. hamutuk kareta sanulu resin-sia (19) ba diresaun sira nomos ba Koordenadór Munisípiu sira.
Prezidente Komisaun Ezekutiva Bee Timor-Leste Empreza Públika (BTL.EP) Gustavo da Cruz hateten, atividade lansamentu ba kódigu konduta ne’e atu publiku bele hatene katak konduta ne’e nu’udar guia ida atu jere instituisaun no prosedimentu sira.
“Konduta ne’e hanesan guia ida atu kria instituisaun ne’e ho nia prosidentu administrativa sira ho legal nian, para bele emprega ne’e la’o tuir lalaok emquardamentu legal ne’ebé iha, tanba ne’e rekejitu bazíku ida ne’ebé emprega ida iha hodi halo nia kna’ar ne’e.” Dehan Prezidente BTL,EP ba jornalista sira iha edifísiu hafoin serimónia Lansamentu Kódigu Konduta iha loron kinta-feira ne’e
Prezidente ne’e informa aleinde lansa kódigu konduta, BTL,EP mós halo Hand Over kareta ba diresaun sira nomos ba koordenadór sira iha Munisípiu ho totál kareta 19.
“BTL,Ep nia esforsu tomak tuir rekursu finanseiru ne’ebé iha, entaun ba operasional iha sidade de’it ami provait kareta Cerry ba iha sira para bele hodi halo servisu iha sidade laran de’it iha kapital Dili no ba Munisipu Sanulu resin-ida, nomos ami iha kareta pick Up ida ba iha diresaun tolu atu bele ajuda sira ba iha administrasaun no apoiu diresaun tolu ne’e para bele halo servisu iha terenu.” Nia informa
Totál osarmento ba sosa kareta hirak ne’e Hamutuk 200 mill itál, kareta Hilux tolu (3) ho Carry Sanulu resin-neen (16), nune’e Prezidente ne’e dehan liuhusi atividade rua ohin bele regula traballadór sira halo tuir.
“Tanba ne’e kareta refere sira atu utiliza ba operasional ba iha servisu Bee ho Saneamento nian, kareta ne’e sira-nia prátika empregadu uza durante ne’e transporte hotu la lori ba uma nia para iha office hotu kuando iha nia neseseidade operasional dader nia esepsaun mak ba situasaun emerjensia.” Nia relata
Entaun funsionáriu no tékniku sira tenke standby hodi halo servisu, espera bele dehan sufiseinte tanba teritóriu tomak BTL,EP halo intervensaun, tan ne’e seidauk sufseinte pelu menus bele ajuda ona tékniku sira bele halo servisu.
Antes ne’e iha kareta serka de 20 ital kareta ne’ebé iha BTL,Ep bele hodi halo servisu, maibé ho kondisaun ladun diak ona, no halo manutensaun mós gasta osan bo’ot tebes, kuaze atu gasta to kareta foun nia folin.
“BTL,Ep husu ona kustu ou operasaun ba manutesaun sira, kareta sira ne’e ami hanoin katak nia manutesaun karun demais, nune’e ami iha prosesu ida para atu halo lesaun ba kareta sira ne’ebé a’at para redus kustu operasional nia manutesaun kareta.” Nia dehan
Nia informa dadauk ne’e BTL,Ep halo hela investimento ba iha postu 24 ne’ebé la’o hela no iha postu ha’at mak finaliza ona, nia espera katak iha fim do anu bele finaliza tan postu 8.
“Restante ne’e iha segundo trimestre ne’e ita finaliza hotu, Postu ha’at mak hanesan iha Vemassi, Kailako, Beehara, no ida iha Maubara, ne’e postu ha’at, ha’u hanoin total osamento ne’ebé BTL,Ep investe ona ba iha kapital postu 24 ne’e serka de 24 Milhões dolar orsamento ne’ebé tinan-tinan estadu tau mai iha ne’e BTL,Ep.” Nia Informa
Enkuantu BTL,Ep Halo kooperasaun di’ak ho parseiru dezenvolvimentu sira, tanba ne’e parseiru sira-nia espektativa depende ba iha Governasaun ida ne’e nian iha setor Bee no Saenamento, BTL,Ep iha Parseiru lubuk ida hanesan JICA, UNICEF, BANCO MUNDIAL, UNDP, ENSSI, aleinde iha parseiru internasional no parseiru lokal sira ne’ebé durante ne’e halo parseira ho BTL,Ep ba servisu atendementu.
Iha fatin hanesan Ministru Obras Pùbliku Samuel Marçal hatutan, konduta ida bo’ot liu dalaruma sempre ko’alia lei barak tebes, primeiru kria konduta mais Prezidente tenke servisu iha konsiénsia ba lei refere.
“Ha’u pesoalmente buat ida de’it, kaer konduta kaer hanesan lei, ita tenke iha konsiénsia, ita halo lei barak ita la konsiensia ita sei so’e iha armari okos, ita halo buat hotu-hotu mai ita la iha domin ba ita-nia rai, ita-nia povu buat hotu ita susar hotu, ohin temi kareta atu halo servisu ba ita-nia povu, imi simu tiha buat hotu la’ós hadomi ba ita-nia rai, imi la iha fuan hadomi ba ita-nia povu.” Ministru Marçal hatutan
Nia salienta katak tenke brani hodi hateten buat ne’ebé los, buat ne’ebé sala dehan sala se la brani lei hirak ne’e la vale hotu.
“Tanba BTL,Ep servisu ida ne’ebé importante tebes liga ho povu nia nesesidade, liga ho ema nia vida, liga ho Saude, tau buat sira ne’e iha imi nia ulun, imi-nia presenza povu sei fó valor ne’ebé bo’ot ba imi servisu, atu mate tiha iha ne’e to’o imi nia fuuk sira mutin tiha iha ema ida sei la basa liman ida ba imi bainhira servisu la iha domin, la iha brani, la iha konsensia.” Nia salienta
Entretantu Ministru Obras públika husu ba Prezidente BTL,EP ho nia Vise na’in-rua atu atu hala’o servisu hadomi mós povu sira, tenke iha konsiénsia
Nia mós dehan, sai hanesan lider atu fahe oráriu, fahe servisu ba uma, maibé no lider tenke sai exemplu, atu sai mata dalan hodi hatudu ba funsionáriu sira seluk atu halo tuir.
Reportajen : Estefania
Foto : Estefania