Dili, 18 Jullu 2025 (Média Democracia) – Community Based Rehabilitasion Network Timor-Leste CBRN-TL “sigla ingles” hamutuk ho parseru dezenvolvimetu halo reflesaun hodi selebra loron nasional ba ema ho defisiensia iha Timor-Leste, atividade ne’e realiza iha salaun João Paulo II
Diretora Community Based Rehabilitasion Network Timor-Leste CBRN-TL “sigla ingles” Norberta Soares hateten, ohin selebra loron ba ema ho defisiensia iha Timor-Leste ho tema hakbiit ema ho defisiensia liuhusi aselera Timor-Leste nia komprimisu ba planu asaun nasional UNCRPD ba futuru ne’ebé sustentavel.
“Objetivu workshop ohin loron nian liga ho komemorasaun loron ema ho defisiensia nune’e ami hanesan ogranizasaun EhD nian atu kria espasu ida fó oportunidade ba instituisaun governu liña Ministerial ne’ebé implementa planu asaun nasional EhD, hamutuk ho Sosiedade Sivil Organizasaun EhD iha Munisípiu 13 bele mai hamutuk hodi fahe esperiensia ba malu liuhusi dialogu no diskusaun.” Dehan Diretora Community Based Rehabilitasion Network Timor-Leste CBRN-TL “sigla ingles” Norberta Soares
Nia hatutan liuhusi dialogu ne’e hodi hatene lolos kona-ba problema ne’ebé durante EhD hasoru liu-liu haree ba saida mak lao di’ak ona no saida mak presiza hadia, nune’e rekomenda hodi hatur forsa advokasia kona-ba asuntu inkluzaun ba ema ho defisiensia iha Timor-Leste.
“Atu asegura hodi atinji objetivu sustentavel ne’ebé la husik ema ida iha kotuk nesesita iha partisipasaun nomos envolvimentu EhD hahú kedas ho planeamentu implementa, monitoria nomos avaliasaun signifika tema ho ema defisiensia sira dalabarak kolia laiha buat ida kona-ba ami sem ho ami.” Hatutan Diretora CBRN-TL
Nia afirma tanba ne’e ema ho defisiensia nia prezensa partisipasaun atividade ruma nomos envolvimentu ne’e importante tebes iha programa dezenvolvimentu sira ne’ebé akontese iha rai laran tanba EhD diretu hanesan mós ema seluk.
Iha fatin hanesan Provedoria dos Dieretos Humunos Justisa PDHJ, Virgilho da Silva Guterres “Lamukan” hateten, ohin simu konvite husi CBRN-TL hanesan rede ida ne’ebé halibur organizasaun halo advokasia interese ba ema ho defisiensia nian, nune’e ohin fahe rezultadu asesment ne’ebé PDHJ halo relasiona planu asaun nasional tinan 2021-25 kona-ba EhD.
“Entaun ohin mai halo serimonia abertura ha’u promete hela iha futuru ita sei fó sai rejultadu konsultan hatama ona maibé iha fainding balun ami hamutuk ho pareseru sira fahe ona iha fulan kotuk. Maibé ohin mai partesipa iha serimonia abertura ne’e iha ambitu atu selebra loron mundial ba ema ho defisiensia nian iha Timor-Leste.” Dehan Provedoria dos Dieretos Humunos Justisa PDHJ, Virgilho da Silva Guterres “Lamukan”
Provedoria hatutan hodi hato’o mensajen ba ema ho defisiensia sira atu kontinua ba luta sira ne’ebé durante ne’e hahú ona atu fó hanoin ba ukun nain sira no sosiedade hotu atu entende didi’ak liafuan inkluzaun labele furak iha koalia no hakerek de’it maibé tenke furak iha hahalok iha prosesu dezenvolvimentu partisipasaun politika ne’e nafatin implementa laiha ema ida husik ba kotuk liu-liu maluk EhD.
“Ha’u nia mensajen ba maluk organizasaun sira hotu ne’ebé halo advokasi ba igualidade no inkluzaun atu kontinua hala’o servisu ida ne’e. Aleinde ne’e mensajen mós ba ukun nain sira labele haree de’it ba palnu asaun nasional maibé buka rukursu atu aumenta liu-liu halo planu ba orsamentu tenke reflete kria atividade dezenvolvimentu foka ba promosaun igualidade ba EhD.” Hatutan Porvedoria
Iha sorin seluk reprezentante UN Women, Amy Nishtha Satyam hateten, UN Women valoriza Rede CBRN-TL tanba involve organizasaun sivil, organizasaun ba Ema ho Defisiensia no liña Ministerial hotu. Apresia ba lideransa CBRN-TL hamutuk, organizasaun ba Ema ho Defisiénsia hamutuk ho parseru sira realiza dialogu inkluzivu ida ne’e.
“Ha’u hanoin laos selebrasaun de’it ba loron nasional ba ema ho defisiènsia maibé loron ohin importante atu halo refleksaun ba esforsu hirak ne’ebé realiza to’o iha pratika di’ak iha, esforsu koletivu sira tau hamutuk hodi hamosu rekomendasaun ida ne’ebé bazeia ba direitus umanus hodi kontribui ba dezenvolvimentu ida ne’ebé inklusivu no sustentavél.” Dehan reprezentante UN Women, Amy Nishtha Satyam
Nia subliña, orgullu tebes ba CBRN-TL lidera sorumutu ida ne’e hamutuk ho lideransa sira seluk, tanba lider hirak ne’e ho eseperiensia ne’ebé la hanesan no hatene di’ak situasaun moris ema ho defisiénsia nian ne’ebé la hanesan iha komunidade nia le’et.
“Husu ba lideransa Ema ho Defisiénsia no Organizasaun ba EhD nafatin kolia ba direitu ema ho defisiénsia. Ha’u nia papel laos atu kolia uza mikro ne’e maibé importante hakbi’it lider EhD nomos organizasaun ba Ema ho Defisiènsia hodi tau esforsu koletivu ba mudansa moris nian Ema ho defisiènsia moris seguru inklui livre husi violénsia oioin.” Subliña reprezentan UN Women
Nia afirma tanba ne’e nafatin husu maluk sira hakbi’it lideransa ba ema ho defisiénsia, responde ba nesesidade maluk defisiénsia sira nian bele haree iha koñesimentu, abilidade, partisipasaun, akuntabilidade no asesibilidade importante tebes ba maluk sira ho defisiénsia.
Esplika liután Community Based Rehabilitasion Network Timor-Leste CBRN-TL realiza workshop kona-ba planu asaun nasional ba Ema ho Defisiensia iha Timor-Leste, iha atividade ne’e partisipa husi PDHJ, MSSI UN Women, UNICEF-TLS no Organizasaun EhD husi Munisípiu 13
Reportajen : Nelfiano
Foto : Nelfiano