Dili, 25 Fevereiru 2025 (Média Democracia) – Prezidente Camara Comercio Industria Timor Leste (CCI-TL) hala’o enkontru daruak ho Embaixadora Hungaria hodi ko’alia kona-ba kooperasaun entre nasaun rua liga ho asuntu Edukasaun no Agrikultura.
Prezidente Camara Comercio Industria Timor-Leste George Mariano Serrano hateten, enkontru ida ne’e la’os primeira-vez maibé enkontru ida ne’e ba dalarua nian hodi ko’alia kona-ba koooperasaun entre nasaun rua ne’e.
“Ne’e embaixada nia vizita ba dalarua iha tinan kotuk ami rua hasoru malu koalia tiha ona agora mai ne’e atu haree fila servisu saida mak iha futuru ona, liuliu entre Camara Comercio Hungaria nian no Camara Comercio Timor-Leste nian, Hungaria halo investimentu ba paises viziñus sira no sira mós haree katak Timor mós iha potensialidade iha prosesu base sira nomos sira hakarak reforsa parseria ho setor privadu Timor-Leste liuliu Camara Comercio Industria Timor Leste.” Dehan nia iha iha CCI-TL iha loron segunda-feira data 24/02/2025
Nia mós haktuir tan katak posibilidade iha area edukasaun no sei fó bolsa estudu ba Timor-oan sira atu ba hala’o sira-nia estudu iha Hungaria.
“Posibilidade area Edukasaun Embaixadora sei ko’alia ho governu liuhusi Ministeriu Ensinu Superior atu haree mós bolsu estudu ba Timor-oan sira ba estuda iha Hungaria, posibilidade mós Camara Comercio hakarak ba eskola iha parte ekonomia no jestaun emprezarial, entaun diskuti malu hela forma atu hola parte, aleinde ne’e traballlador sira mós ami deskuti no depois sei elabora dokumentus hamutuk atu halo memorandu entendimentu entre Cci-Tl No Camara Comercio Hungaria.” Dehan Nia Iha CCI-TL Iha Loron Segunda 24/02/2024
Iha sorin seluk Embaixadora Hungaria Lilla Karsay hateten, iha enkontru daruak ne’e ko’alia kona-ba asuntu Edukasaun no Agrikultura, oinsa atu haree kona-ba traballador sira ba servisu iha Hungaria.
“Enkontru ba dalarua nian iha ne’e hakarak ko’alia kona-ba informasaun nomos parte balun, ne’e mak ami halo diskusaun kona-ba asuntu Edukasaun no agrikultura, oinsa atu haree trabalhador sira bele ba servisu iha Hungaria ne’eba. Ha’u fiar katak Timor-Leste nasaun ne’ebé demokratika tebes-tebes no bele explora maluk sira seluk.” Dehan nia iha CCI-TL iha loron 24/02/2025
Nia haktuir tan katak Timor-Leste iha oportunidade, tanba nasaun Hungaria daudaun ne’e falta tebes trabalhador no sira presiza tebes Timor-oan sira ba servisu iha ne’ebá.
“Ha’u hanoin ida ne’e hanesan la’os buat ida ne’ebé difisil, maibé ita presiza haree de’it ba asuntu legal ninia iha fermenta balun ne’ebé ita presiza haree, dehan katak ba Timor iha oportunidade tebes hanesan ita hatene katak Hungaria agora ne’e falta tebes trabalhador, nune’e sira presiza duni. Tanba Timor hetan portunidade di’ak iha pasporte portuguesa no bele asesu ba europeia fasil, entaun ida ne’e ladun problema, nune’e bele fó oportunidade ba Timor-oan sira atu servisu iha Hungaria.” Dehan embaixadora iha CCI-TL iha loron segunda feira iha semana ne’e
Embaixadora ne’e haktuir tan katak, Timor-Leste iha oportunidade ne’ebé di’ak, tanba Timor-Leste bele asesu ba pasaporte Portugal, tan ne’e nasaun Hungaria servisu hamutuk ho Estadu Timor-Leste, liuhusi pasaporte Portugal Timor-oan bele asesu ba nasaun Europeia.
Reportajen : Nelia
Foto : Nelia