Dili, 29 Setembru 2025 (Média Democracia) – Konsellu Kombatentes Libertasaun Nasional (CCLN Sigla-Portugues) realiza segundu konferensia munisipal Konsellos Kombatentes nain ba ukun-an no rin ba nasaun ho ninian tema “Hametin Unidade ba Dezenvolvimentu Nasional” 2º konferensia ne’e sei hala’o durante loron rua hahu 23 to’o 24 fulan setembru iha salaun Tres de Março Maubai.
Iha entrevista ho Ministru Assuntos Kombatentes Libertasaun Nasional Jil da Costa Monteiro “Oan-Soru” hateten, konferensia ida ohin hala’o husi Konsellu Kombatentes Libertasaun Nasional ba daruak ninian iha Munisipiu Dili, tanba durante ne’e prezidente ho ninian membru sira hala’o ona atividade sira iha munisipiu hotu-hotu, entaun ohin CCLN realiza konferensia daruak ne’e ikus maka iha Munisipiu Dili ho ninian tema “hametin unidade ba dezenvolvimentu nasional.”
“Objetivu husi konferensia daruak ida ne’e ita halibur veteranu sira husi Munisipiu Dili nian kompostu husi postu sira atu mai hamutuk iha CCLN koalia hamutuk hodi tau ideia sira, nune’e hili fila-fali estrutura foun Munisipiu Dili nian, tanba ne’e ohin realiza kongresu. Iha kongresu ne’e marka mós prezensa husi ita-nia lider reformado Lere-Anan Timur.” Dehan Ministru Assuntos Kombatentes Libertasaun Nasional Jil da Costa Monteiro “Oan-Soru”
Nia informa, CCLN ne’e estabele estrutura bazeia ba artigu 35 Nu.1 no bazeia ba dekretu Lei Nu.7 2018 ne’ebé sobre alterasaun ba dekretu lei 33 2024, hodi koalia kona-ba CCLN orgaun ne’ebé reprezenta interese veteranu sira nian.
“Ohin veteranu sira sei hala’o kongressu hodi estabelese estrutura foun veteranu sira no estrutura servisu no responsabilidade boot ne’ebé sira sei halo atu fó solusaun ba dadus pendentes no reklamadu sira, nune’e sira sei servisu tuir lei ne’ebé iha ona, hodi kontinua mós servisu ne’ebé uluk hala’o antes.” Informa Ministru Assuntos Kombatentes Libertasaun Nasional Jil da Costa Monteiro “Oan-Soru”
Hatutan husi Prezidente Konsellu Kombatentes Libertasaun Nasionál CCLN Vidal de Jesus “Riak Leman,” tuir estatutu organiku katak kada tinan haat tenke halo eleisaun ka konferensia estrutura CCLN nian, entaun hanesan prezidente ho ninian membru tenke lao tuir estatutu ne’ebé iha ona, konferensia ohin ne’e ba veteranu sira ne’ebé hela iha munisipiu Dili nian.
“Konferensia ohin ne’e veteranu sira ne’ebé hela Dili, tanba laos foin hahu konferensia ohin maibé konferensia ne’e hahu ona deste fulan kotuk iha loron 5 fulan agostu hahu husi Munisipiu Lospalos, Baucau, Viqueque, Manatutu, Manufahi, Ainaro, Covalima, Aileu, Ermera, Liquisa, Bobonaru, to RAEOA no ikus iha Munisipiu Dili.” Dehan Prezidente Konsellu Kombatentes Libertasaun Nasionál CCLN Vidal de Jesus “Riak Leman”
Nia informa, objetivu prinsipal husi konferensia ne’e maka halibur veteranu sira husi Postu-Administrativo hirak ne’ebé iha Munisipiu Dili nomos Delegado no Delegada sira mai atu kandidatura veteranu ida ne’ebé sira hakarak atu halo kompetisaun ba iha esturutura foun nian iha CCLN.
“Kandidatura ne’e sei hili husi Delegado no Delagada sira atu haree se maka serve atu sai esturutura iha CCLN nian hodi kontinua servisu sira ne’ebé estrutura tuan hala’o no esturutura foun atu haktuir maka kontinua servisu haree dadus veteranus kada Munisipiu sira.” Infroma Prezidente Konsellu Kombatentes Libertasaun Nasionál CCLN
Nia reafirma, husu ba veteranu sira atu rona malu fiar malu tanba liuhusi konferensia ne’e CCLN hili ona tema uniku ida ne’ebé sei lori konferensia daruak, atu halibur hamutuk veteranu sira nafatin lori dezenvolvimentu nasional ba oin, nafatin husu ba veteranu sira katak servisu lubuk ida ne’ebé CCLN hamutuk ho Sekretariadu halao durante ne’e, no nia progresu maka lansa ona banku do nosso futuru ba veteranu sira, nune’e veteran sira bele rai osan iha BNF, tanba banku ne’e harii ba iha veteran/a nomos sira nia oan.
Esplika kle’an liután katak, iha 2º Conferensia Munisipal CCLN ne’e sei hala’o durante loron rua hahu loron 23-24 fulan setembru tinan 2025, iha konferensia ne’e mós marka prezensa masimu husi Ministru Assuntos Kombatentes Libertasaun Nasional, prezidente CCLN ho ninia estrutura, Eis-xefe estadu Maior Jeneral FFDTL Tenente Jeneral Refirmado Lere Anan Timur, Veteranu nomos delegadu no delegada sira inklui mós funsionariu sira iha MAKLAN no CCLN nian.
Reportajen : Domingas
Foto : Domingas