Dili, 11 Marsu 2026 (Media Democracia)- Centro Nacional Chega (CNC), servisu hamutuk ho Movimentu Letras, Sala Leitura Xanana Gusmao, Abut, Tio publising no Comite Orientadir 25 (CO25) organiza aktividade feira livru, iha ambitu komemorasaun loron Nasional veteranus ba Dala sia, ne’ebe realiza iha Muzeum Chega, Antigu Comarca Balide.
Diretór Ezekutivu Centru Nasional Chega (CNC), Hugo Maria Fernandes hatete katak aktividade feira livru ne’e atu promove no valoriza kultura lee nian iha Timor Leste.
“Objetivu Prinsipal husi aktividade feira livru ne’e, atu promove kultura lee iha publiku liuliu estudante Sira ne’ebe susar asesu livru. promove no valoriza matenek Timor Oan Sira nian kriasaun espasu ba dialogu no diskusaun, kriasaun espasu ba komunidade Sira atu asesu ba livru, promove kultura Leitura iha komunidade nomos promove livru oioin konaba istoria, direitus umanus, paz no rekonsiliasaun iha komunidade. No atu promove kolesaun livru mak biblioteka Chega nomos atu estimula kultura lee entre foinsa’e Sira no aprende istoria Timor Leste.” Dehan Diretór ezekutivu CNC
Feira livru ne’e sei hala’o durante loron 2 hahu husi loron kuarta no kinta semana ne’e, ne’ebé sei kompleta ho aktividade sira mak hanesan ferira livru, diskusaun livru, human library no story telling.
Diretór Ezekutivu ne’e mós haktuir tan katak feira livru ne’e hala’o hodi hatan ba mandate sentru chega nian ho baze ba dekretu lei Nu. 48/2016.
“Aktividade hirak ne’e hala’o hodi hatan ba mandate sentru chega nian ho baze ba dekretu lei nu. 48/2016 katak kontinua hala’o nafatin ba servisu sira ne’ebé Komisaun de Akolliamentu, Verdade no Rekonsiliasaun (CAVR) no Komisaun Verdade no Amizade (CVA) hala’o tiha ona. Vizaun mak prezerva memória pasadu nian nu’udar lisaun ba povu Timor Leste no umanidade tomak hodi hetan dame. Misaun mak harii sentru póz-konflitu ne’ebé prezerva memória pasadu nian hodi promove direitu no valor umanu, harii parseria nasional no internasional hodi reforsa rede servisu sira atu implementa rekomendasaun CAVR no CVA ne’ebé relevante” dehan nia.
Aktividade ne’e hala’o iha Centru Nasional Chega (CNC) no partisipa husi estudante universitáriu UNTL, KRITAL, Eskola sekundáriu 4 de Setenbro, Eskola sekundariu timor Oriental no funsionariu CNC.
Reportajen : Nélia
Foto : Nélia