Dili, 01 Marsu 2026 (Média Democracia) – Delegasaun husi Estadus Unidus Amerika ho Major Jeneral Andrew J.Chevalier ne’ebé mai reprezenta Adjuntu Jeral Guarda Nasional Rhode Island nian, hasoru malu ho Ministru Defeza (MD) ko’alia kona-ba programa dezenvolvimentu iha área segurasa no defeza.
Ministeriu Defeza Kontra Almirante, Finaciano do Rosário da Costa Gomes Pedro “Klamar Fuik” dehan viajen ida ne’e hanesan viajen amizde atu identifika fila-fali relasaun amizade ne’ebé Timor-Leste iha ona ho Estadus Unidus Amerika.
“Liu-liu iha programa ne’ebé ita dezenvolve tiha ona Estadus Unidus Amerika, hanesan ita-boot sira hatene katak, ita TL nian independensia hetan apoiu makas husi kongresu Amerikanu ne’ebé loke lima, loke odamatan dehan sin senior TL iha nia direitu atu ukun-aan, ida ne’e maka posizaun Estadus Unidus Amerika foti husi ne’e kedas maka relasaun bilateral, dipolmatika entre Estadus Unidus Amerika ho TL dezenvolve.” Dehan Ministru Pedro “Klamar Fuik” ba jornalista sira iha Ministeriu Defeza Fatuhada Dili, Tersa ne’e (31/03/2026)
Ministru Defeza hatutan, dezenvolvimentu iha ámbitu kooperasaun militar defeza intensifika husi aktividade barak.
“Aktividade ne’ebé Estadus Unidus Amerika halo iha ita-nia rain husi formasaun, hanesan aktividade injenaria, ezersizu, ho kontrusaun ho sira seluk ne’ebé sira halo, tanba ne’e Maijor Jeneral Andrew J.Chevalier mai para atu bele haree fila-fali programa bolu SPP ne’ebé dezenvolvidu ona entre Timor-Leste ho sira, nune’e mós ho programa sira seluk iha ambitu militar ba militar, iha mós aktividade entre Governu ba Governu, nune’e mós sosiadade ba sosiadade.” Informa Ministru Pedro “Klamar Fuik”
Iha biban ne’e Maijor Jeneral Andrew J.Chevalier ne’ebé husi Guarda Nasional Rhode Island Estadus Unidus Amerika deklara, vizita mai Ministeriu Defeza (MD) hodi hasoru malu ho Ministru Defeza atu haree liubá hasae kooperasaun segurasan bilateral.
“Parseriu ita nian ne’e hahu kedas antes Indepensia nian, no ami faloriza ita-nia parseriu ida ne’e, ami haree ba oin oinsa atu hametin liután ita-nia parseiru ne’e ba oin no ba futuru.” Dehan Maijor Jeneral Andrew J.Chevalier
Maijór Jenerál ne’e informa, iha segunda feira ne’e hamutuk ho Delegasaun sira mós hala’o inkontru ho PR José Ramos Horta nomos PM Kay Rala Xanana Gusmao nune’e iha tersa-feira kontinua Vizita Ministériu Defeza hodi inkontru ho Ministru Defeza no hasoru malu ho Maijór Jenerál Falur Rate Laek.
Reportajen : Estefania
Foto : Estefania