Dili, 10 Janeiru 2025 (Média Democracia) – Negósiante Martinha Soares, deside muda fatin husi merkadu manleuana mai fa’an sasan iha estrada ninin Elemloi Delta III, maske servisu Guarda Munisípiu Dili sempre mai duni beibeik maibé nafatin fa’an nune’e bele hetan osan hodi ajuda ekonomia familia nian
Negósiante Martinha Soares hateten, durante ne’e fa’an sasan hanesan modo-tahan iha merkadu Manleuana nian maibé haree ba situasaun daudaun ne’e SEATOU koloka negósiante barak ba iha ne’ebá entaun hamosu sasan la folin
“Ha’u mai husi Munisípiu Bobonaru Postu-Administrativu Maliana Villa daudaun ne’e hela iha Delta III atividade loron-loron halo negósiu ki’ik fa’an modo-tahan iha dalan ninin. Maibé haree ba sitasaun daudaun ne’e iha problema barak mak ami negosiante iha Merkadu Manleuana infrenta hanesan modo-tahan ladun foilin iha ne’ebá negosiante mak barak liu fali ema ne’ebé atu mai hola sasan entaun difikulta ami nia modo la folin hodi deside muda fatin husi merkadu Manleu hodi mai fa’an fali iha dalan ninin Elemloi delta III komesa tinan kotuk to’o agora.” Dehan Martinha Soare
Nia hatutan durante halo negósiu hanesan fa’an modo-tahan iha merkadu manleuana maibé daudaun ne’e modo ladun folin ona hanesan tempu uluk, tanba negósiante barak mak SEATOU muda ba halo negósiu iha Merkadu Manleu entaun hamosu sasan la folin hanesan tempu uluk
“Daudaun ne’e nafatin halo negósiu iha Elemloi Delta III nian tanba ami fa’an sasan iha ne’e modo folin di’ak liu fali momentu sei fa’an iha Merkadu Manleu. Loron ida bele hetan osan 30 dolar liu maibé merkadu Manleu dalaruma loron hetan de’it 5.00 dolar modo tahan sira dodok sai estragus hotu entaun ha’u deside lori mai iha Elemloi maibé nafatin hafuhu malu Guarda Munisípiu Dili sira bainhira mai halo vijilansia.” Dehan nia
Nia salienta loron importante ba Guarda Munisípiu Dili mai halo vijilansia hanesan hahú husi segunda to’o sesta-feira sira halo vijilansia husi tuku 7.30 dader to’o tuku lima 5.00 lorokraik entaun negósiante labele ba fa’an sasan iha estrada boot, tenke fa’an subar iha estrada ki’ik bairu besik estrada boot nian nune’e fasil ba ema bele hola modo-tahan
Esplika liután katak maske Guarda Munisípiu Dili sempre mai duni beibeik maibé hanesan negósiante dalan ninin nafatin esforsu hodi halo negósiu tanba atu ba fa’an fila-fali iha merkadu Manleu sasan ladun folin entaun deside fa’an nafatin estrada boot Elemloi nune’e bele hetan osan ne’ebé naton hodi sustenta ba ekonomia familia no haree oan sira nia eskola.
Repotajen : Nelfiano
Foto : Nelfiano