Dili, 28 Jullu 2025 (Média Democracia) – Autoridade Protesaun Civil APC liuhusi Gabinete GREK realiza Komunikadu Imprensa relata dadus dezastre naturais husi loron 21-28 fulan Jullu tinan 2025 durante semana ida, Protesaun Sivil rejistu familia uma-ka’in hamutuk 13 hetan estragus husi dezastre naturais ne’ebé akontese iha Munisipiu neen (6), komunikadu ne’e hala’o iha Salaun APC Caicoli Díli.
Xefe Gabinete Relasaun Externa no Komunikasaun (GREK) APC, Cesario da Silva Marques hateten, durante semana ida ne’e akontesementu dezastre iha Munisípiu 6, APC registu uma ne’ebé latama kriteria apoiu de’it emerjensia uma 2 no uma ne’ebé priense kriteria ka afetadu hamutuk 11, nune’e APC Munisípiu apoiu kedas emerjensia ba vitima sira ne’ebé hetan dezastre.
“Durante semana ida nia laran iha Munisípiu neen Autoridade Protesaun Sivil, Sekretariu Estadu Protesaun Sivil rejistu Xefi familia uma-ka’in hamutuk 13 hetan estragus husi dezastre naturais, apoiu de’it emerjensia 2 ne’ebé akontese ba ema afetadu 80 no evakua 8.” Dehan Xefe Gabinete (GREC) APC, Cesario da Silva Marques
Xefe Gabinete hatutan iha Munisípiu neen (6) mak APC rejistu uma estragus 13 hetan estragus husi anin sobu 5 no ahi-han 8, uma sira ne ‘e hetan estragus husi dezastre ne’ebé akontese durante semana ida iha loron hahu 21 to’o 28 fulan jullu tinan ne’e.
“Munisípiu neen ne’ebé hetan estragus hanesan Munisípiu Baucau, Post Jogu, Suku Veru-mata, Aldeia Veru mata, iha 20/07/2025 akontese ahi-han uma 2, ida kategoria aat naton no ida seluk aat total. Suku Samalari, Aldeia Samalari, iha 20/07/2025 akontese ahi-han uma 1, kategoria aat total. Iha Postu Quilicai, Suku Lakuliu, Aldeia Uale, 01/06/2025 akontese ahi-han komunidade nia uma 1 kategoria aat total. Iha Postu Venilale, Suku Wailaha, Aldeia Kaupai, 16/07/2025 akontese anin-sobu uma 1, kategoria aat kaman. Suku Bahamori, Aldeia Laku-uma, 18/07/2025 akontese anin-sobu uma 1, kategoria aat kaman. Postu Baucau Villa, Suku Samalari, Aldeia Sestau, 20/07/2025 akontese ahi-han uma 1, kategoria aat total.” Hatutan Xefe Gabinete (GREC) APC, Cesario da Silva Marques
Nia afirma iha Munisípiu Bobonaro, Postu Cailaku, Suku Meligo, Aldeia Bere leu, 19/07/2025 akontese ahi-han uma 1no prienxe kriteria kategoria aat naton. Iha Munisípiu Dili, Postu Cristo Rei, Suku Balibar, Aldeia Lorico, 21/07/2025 akontese anin-sobu komunidade nia uma 1, maibé hetan de’it apoiu emerjensia tanba latama kategoria. Iha Munisípiu Lautem, Postu Lore, Suku Lore1, Aldeia Titilari, 19/07/2025 akontese anin-sobu komunidade nia uma 1, prienxe kriteria kategoria aat naton. Iha Munisípiu Liquiça, Postu Loes, Suku Vatuboro, Aldeia Kaibair, iha 25/07/2025 akontese ahi-han komunidade nia uma 1 no tama kategoria a’at total daudaun ne’e vitima sira evakua ba vijiñu nia uma.
Entertantu iha RAEOA Sub Rejiaun Pante Makassar, Suku Naimeco, Aldeia Noke, iha 19/07/2025 akontese ahi-han komunidade nia uma 1, la prienxe kriteria apoiu de’it emerjensia. Aleinde ne’e iha Munisípiu Viqueque, Postu Uatulari, Suku Macadique, Aldeia Caidualari, iha 17/07/2025, akontese anin-sobu komunidade nia uma 1, prienxe kriteria kategoria aat naton.
Esplika liután daudaun ne’e vitima ba dezastre naturais hamutuk uma 13 sira hetan ona apoiu emerjensia husi komandu APC ho parseriu relevante sira ne’ebé destakadu iha Munisípiu ida-idak nian nune’e hodi apoiu ai-han no la’os aihan ba vitima sira. Aleinde ne’e Komandu Operasional Autoridade Protesaun Sivil Munisípiu hotu, sei kontinua halo levantamentu dadus ba uma-kain ne’ebé hetan estragus total no uma ne’ebé hetan estragus naton hodi hein prosesu tuir mai.
Reportajen : Nelfiano
Foto : Nelfiano