Dili, 16 Fevereiru 2026 (Média Democracia) – Eis Estudante Jawa Bali hamutuk tolunulu (30) Komemora loron Domin 14 fulan fevereiru 2026 ho Doasaun Raan iha Hoapital Nasional Guidi Valadares (HNGV). Komemorasaun refere hala’o iha HNGV Dili
Reprezentante Eis Estudante Jawa Bali João Brites dos Santos hateten, relasiona ho loron 14 Fevereiru hanesan loron Domin nian, nune’e Eis Estudante Jawa Bali fahe Domin liuhusi doasaun raan ba maluk sira ne’ebé presiza raan hodi salva sira-nia moris.
“Loron 14 fulan fevereiru, ami mós aproveita komemora loron ida-ne’e hodi fahe ami nia domin liuhusi doasaun raan ba ema ne’ebé presiza, agora ami ne’ebé marka prezensa iha ne’e por volta de 30 pessoas, ami sira ne’e mesak estudante iha Jawa no balun iha Bali. Ami iha inisiativa halo atividade refere husi Grupu naran Se Jawa Bali.” Dehan Reprezentante Eis estudante Jawa Bali João Brites dos Santos ba jornalista sira iha HNGV, sabado (14/02/2026)
Reprezentante ne’e mós hatutan, liuhusi biban ida ne’e nafatin alerta ba komunidade sira hotu atu hodi bele ajuda halo dosaun raan ho konsiensia rasik, nune’e atu bele salva ema seluk nia vida, fiar katak liuhusi atividade sira hanesan ne’e bele fanu ona ema seluk nia hanoin oinsa bele fahe nia raan turuk ida ba ema seluk.
“Ha’u nafatin fó mensajem ba maluk komunidade sira espera husi ami nia atividade positivu ne’e bele fanu komunidade sira hotu atu iha vontade atu mai ajuda tau hela raan iha Stoke Banco de Sangue, tanba ita hotu hatene ema balun presiza tebes raan.” Hatutan Reprezentante Eis estudante Jawa-Bali
Iha fatin hanesan Xefe Departamentu Banku de Sangue, iha Hospital Nasional Guidu Valadares HNGV, Alexandrino Mendonça hateten, agradese tebes ba Eis Estudante Jawa Bali ne’ebé hatudu ona sira-nia domin iha loron 14 fulan fevereiru ba pasiente sira ho dosaun raan, tanba durante iha ema barak presiza tebes raan hodi salva sira-nia moris.
“Ha’u lori Banco de Sangue nia naran agradese tebes ba Eis estudante Jawa Bali ne’ebé mai oferese ona ra’an hanesan dosaun voluntariu, aumesmu tempu iha loron Valentine ida ne’e hato’o domin ba pasiente ne’ebé agora baixa hela iha HNGV.” Dehan Xefe Departamentu Banco de Sangue
Xefe Departamentu ne’e afirma, lori Departamentu Banku de Sangue nafatin husu agrade ba Eis Estudante Jawa Bali sira ne’ebé iha hanoin no laran luak ho inisiativa kria atvidade hanesan doasaun raan gratuita ba ema ne’ebé moras no presiza atu salva sira-nia moris.
Esplika liután Eis estudante Jawa Bali realiza atividade kona-ba voluntarismu doasaun raan ba ema moras sira ne’ebé daudaun ne’e baixa hela iha Hospitál Nasional Guido Valadáres, nune’e bele salva sira-nia moris, tanba raan turuk ida bele salva ema seluk nia moris.
Reportajen : Nelfiano
Foto : Nelfiano