Dili, 01 Abril 2026 (Média Democracia) – Autoridade Seguransa, Diresaun Servisu Investigasaun (DSIK) iha Polisia Nasional Timor-Leste (PNTL) ezekuta Mandadu buska apreensaun bazeia ba NUK 0056/26.PNSIC husi Tribunál JudisiaL Primeira Instansia (TJPI) Dili, foti evidensia motorizada ida ho sapa matrikula L. 5702 TL iha arguidu JEXP nia rezidensia, Aldeia 01 de Setembru, Suku Villa Verde, Postu Administrativu Vera Kruz Munisipiu Dili. Informasaun hirak ne’e Media Democracia foti husi pajina facebook PNTL.
Durante ezekuta Mandadu buska apreensaun arguidu JEXP asegura husi guarda seguransa Prizaun Bekora hodi akompaña hatudu evidensia motorizada ne’ebé iha ligasaun ho krime furto agravadu ne’ebé arguidu JEXP komete.
Remata buska apreensaun iha arguido JEXP nia rezidensia ekipa seguransa guarda Prizaun Bekora kontinua lori fila arguido ba nia fatin estabelesimentu Prizaun Bekora hodi asegura hein prosesu, no autoridade DSIK foti kedas evidensia motorizada ne’e ba asegura iha edifisiu Diresaun Servisu Investigasaun (DSIK) nia fatin iha kuartel Jerál PNTL Caicoli, hafoin aprezenta relatoriu ba Tribunál hodi foti desizaun tuir lei ne’ebé vigora iha Timor-Leste.
Fontes Informasaun : Pajina facebook PNTL
Foto : Media PNTL