Dili, 10 Abril 2026 (Media Democracia)- Pasiente sofre moras Dengue Hamutuk 510 hetan tratatementu iha Ospital Tasi-Tolu, fatin ne’e Ministeriu Transporte Telekomunikasaun nian mak oferese liu husi Aportil sira, hahu husi 30 fulan Janeiru to’o Abril tinan 2026, moras dengue rekopera ona, no ekipa integradu retira ba sira nia fatin.
Diretór Servisu Diagnostiku Terapeutiku Hospital Nacional Guido Valadares (HNG), Vidal de Jesus Lopes hatete husi fulan Janeiro tinan 2026 utiliza fatin hodi fo ba kazu pasiente dengue nian por volta 71 dias.
“Iha hospital Tasi-tolu ida ne’e desde iha loron 30 fulan Janeiru tinan 2026 ita utiliza hodi fó fatin ba pasiente dengue kategoria, ne’ebé husi dia 30 fulan janeiru to’o agora por volta 71 dias, ita utiliza fatin ida ne’e iha ospital Tasi-tolu fó baixa pasiente iha fatin ida ne’e por volta 510 pasiente, laiha ema ida mak mate, no forsa de trabalu ida ne’ebé mak fó asistensia iha ne’e hamutuk 105, forsa de traballu kompostu husi médiku ,enfermeiru ,tékniku de aliadus ,seguransa,cleaner,apoiu logistiku.” Dehan diretor servisu Diagnostiku terapeutika HNGV, Vidal de Jesus Lopes
Diretór ne’e mos haktuir tan katak fatin ne’ebé mak sira uza nee fatin Ministeriu Transporte Telekomunikasaun nian mak oferese husi Aportil sira.
“Fatin ida ne’e husi Ministeriu Transporte Telekomunikasaun nian no ami halo pedidu mak sira oferese husi Aportil sira ho nune’e por volta de semana ida ona kazu dengue zero iha fatin ida ne’e no ami ekipa integradu kompostu husi HNGV, Ministeriu Saúde, Sentru Saúde Munisipiu Dili ho ekipa tekniku sira hotu deside katak ohin tenki desaktiva ho despartela tiha funsionamentu iha ne’e hodi retira hotu rekursus humanus ekipamentus medikus ho support system sira ba fali iha fatin ne’e desizaun kolektiva, tanba numeru kazu agora mai iha ne’e reporta durante semana ida zero laiha pasiente ida mak baixa,ho nun’ee ami foti desizaun ida nee.” Dehan Diretór
Nia mos salienta tan katak pessoal saúde sira nee maioria husi rekursu humanus ne’ebé uluk teste vaga mak liu, no fahe fali ba sentru saúde Munisipiu sira.
“Pessoal saúde sira ne’e maioria husi rekursus humanus, uluk aplay vaga ba sentru saúde Munisipiu sira no ospital referal sira, tanba ita enfrenta kazu dengue ne’e numeru sa’e entaun ita entrega ba HNGV hodi jere ,depois de kazu ida ne’e ami konsidera hanesan hotu ona ami sei retira fali provizoriamente ba hospital nasional depois hein semana oin desizaun tuir mai ami entrega ba rekursus humanus diresaun nasional, Ministeriu Saúde atu koloka fali sira ba Munisipiu nomos HNGV nia ema mos iha por volta de 20 ital.
Diretor ne’e mos aumenta katak ekipamentus sira ne’ebe mak durante uza iha hospital Tasi-tolu sei entrega fila fali ba nia fatin.
“Kona-ba ekipamentus ne’e tanba instala iha ospital Tasi tolu ekipa integradu la’os HNGV de’it ida ne’ebé mak HNGV nia ekipamentus sei lori fali ba HNGV, ida ne’ebé mak Diresaun Nasional ekipamentus medikus Ministeriu Saúde sei haruka fila fali ba iha ne’eba, checklist sira hotu sei redistribui liu husi checklist ne’ebé mak iha. Kona-ba overnout sei existe nafatin mais hodi bele uja nafatin ba kazu dengue.” Dehan Vidal de Jesus Lopes
Diretur exekutivu dehan sei sugere nafatin fatin ida ne’e fo priodade ba Ministeriu Transporte Telekomunikasaun nian sei husu para kualker momentu kuandu surtu foun ruma mosu sei uja nafatin fatin ida nee.
Reportajen : Nelia no estajiariu UNTL
Foto : Estajiadu MaritO