Dili, 23 Janeiru 2026 (Média Democracia) – Olin loron ekipa Media Democracia marka audiensia ofisial hodi hasoru direita ho Sekretariu Estadu Komunikasaun Sosial SEKOMS, Expedito Loro Dias Ximenes iha gabinete SEKOMS, Sexta Feira semana ne’e.
Objetivu husi enkontru ne’e ekipa Media Democracia atu introdus ba IX Governu Konstitusionál liuhusi Sekretariu Estadu Komunikasaun Sosial objetivu harii media hodi haree kona-ba misaun no vizaun Media Democracia nian nune’e aprezenta mós identidade jornalista no servisu jornalizmu nian.
Sekretáriu Estadu Komunikasaun Sosiál (SECOMS) Expedito Loro Dias Ximenes hateten, hodi hato’o mós apresiasaun ba Media Democracia nia inisiativa hodi dezenvolve meiu komunikasaun sosiál ne’ebé orienta ba valór demokrátiku no responsabilidade sosiál nian.
“Prinsípiu fundamentál jornalizmu nian mak imparsialidade no neutralidade, nune’e mós obrigasaun atu respeita nafatin kódigu étika jornalizmu nian. Média sira mós hetan urjente atu hasa’e sira-nia profisionalizmu hodi hetan karteira ofisiál ida husi Konsellu Imprensa, instituisaun ne’ebé regula no monitoriza produtu jornalístiku sira iha Timor-Leste.” Dehan Sekretáriu Estadu Komunikasaun Sosial SEKOMS Expedito Loro Dias Ximenes
Sekretariu Estadu hatutan, lei komunikasaun sosiál ne’e hatur hodi media nafatin respeita ba kodigu etika jornalista nian, tanba kodigu ne’e sai hanesan biblia ba ema jornalista hotu-hotu. Aleinde ne’e mós SEKOMS husu jornalista tenke hetan karteira professional husi Konsellu Imprensa, tanba sai hanesan órgaun regulador no monitoriza ba produtu jurnalistika nian.
“Ha’u lori Governu nia naran agradese ba imi joven iha inisiativa di’ak ida ne’e, maibé mundu ida agora ne’e imi hotu hatene katak artifisial intelejensia iha ona, nune’e imi tenke aprende nafatin no fokus lee diskute nomos debate konstrutivu, nune’e bele kompete ho artifisial intelisensia.” Dehan Sekretáriu Estadu Komunikasaun Sosiál SEKOMS
Sekretariu Estadu afirma, ho prezensa Artifisial Intelijensia nian maka jornalis tenke forte hanesan lee barak, hakerek barak, diskute, no debate konstrutivu maibé tenke ho etika, labele ataka ema nia privasidade no fokus tuir buat ne’ebé realidade.
Esplika liután relasiona marka audiénsia ne’e, pontu importante dahuluk atu hametin relasaun entre Média Democracia ho XI Governu Konstituisional atu servisu hamutuk atu kontribui ba dezenvolvimentu demokrasia iha Timor-Leste.
Reportajen : Nelfiano
Foto : Media SEKOMS