Dili 25 Agostu 2025 (Média Democracia) – Diretora Nasionál Relasaun-Públika, hamutuk ho ekipa tékniku S.E.I partisipa iha Diskusaun Grupu ho Konsultora Baze Esternu iha Eskritóriu Plan International Timor-Leste. Atividade diskusaun ne’e Média Democracia asesu husi pajina S.E.I, Segunda semana ne’e.
Diretora Nasional Relasaun-Públika Filomena Babo Martins hateten, objetivu husi Diskusaun Grupu ne’e mak atu hetan informsaun kona-ba koñesimentu, atitude no hahalok husi parte intersada sira kona-ba direitu ema ho defisiénsia (EhD) no ema diversidade (LGBTQI+)
“Ita suporta no sensivel ba sira-nia direitu, Atu hatene programa sira ne’ebé hala’o ona atu suporta liután direitu EhD no LGBTQI+, inklui asesu ba servisu públiku, asesu ba oportunidade empregu ka atividade dezenvolvimentu ekonómiku sira seluk. Atu esplora lei no polítika sira ne’ebé eziste hodi suporta no sensivel ba direitu EhD no LGBTQI+.” Dehan Diretora Nasional Relasaun-Publika, Filomena Babo Martins
Diretora ne’e hatutan, atu esplora limitasaun/obstakulu no disponibilidade rekursu ba implementasaun programa kona-ba kumpre direitu EhD no LGBTQI+ no atu hatene apoiu no supervizaun ne’ebé fornese husi Ministériu relevante sira hodi suporta direitu EhD no LGBTQI+.
“Plan International servisu hamutuk ho Co-aplicante ONG AHDMTL (Asosiasaun Halibur Defisiénsia Matan Timor-Leste) no Arcoiris Timor-Leste (ATL) apoiu husi Uniaun Europeia (UE) implementa Projetu Ema ho Defisiénsia no Ema ho Diversidade (Komunidade LGBTQI+).” Hatutan Diretora Nasional Relasaun-Publika
Diretora afirma, objetivu jerál husi projetu refere atu apoiu Ema ho Defisiénsia no ema diversidade (LGBTQI+), liu-liu joven feto sira iha sira-nia diversidade hotu, tarjeitu iha suku 12 iha Munisípiu Ainaro, Díli no Ermera, atu foti asaun no lidera tomak sira-nia direitu umanu, liu-liu diritu sosiál ekonómiku.
Entertantu liuhusi Grupu diskusaun ne’e Konsultora Baze Esterna sei uza aprosimasaun ida-ne’ebé estruturadu no sistemátiku hodi asegura katak entrevista sira-ne’e hala’o ho maneira profisionál no komprensivu.
Eslplika liután, liga ho kontribuisaun ne’ebé parte interesada sira fornese inklui husi S.E.I sei ajuda kria fundasaun ne’ebé metin ba projetu nia susesu no kontribui ba harii sosiedade ida-ne’ebé inkluzivu iha Timor-Leste hodi haree ba ema ho difisiensia no LGBTQI.
Reportajen : Nelfiano
Foto : Media SEI