Kuala Lumpur-Malázia, 29 Outubru 2025 (Media Democracia) – Prezidente Republika José Ramos-Horta, hala’o enkontru bilaterál ida ne’ebé produtivu ohin ho Sub-Sekretáriu Estadu ba Asuntu Polítiku Estadus Unidus nian, Allison Hooker. objetivu husi enkontru ne’e atu dezenvolvimentu Timor-Leste nian liuhusi envolvimentu bilaterál ne’ebé kontinua haree ba iha fornesementu treinamento ba militar Sira. Enkontru ne’ebé hala’o iha W Hotel iha Kuala Lumpur.
Prezidente Republika Horta dehan Líder sira halo revizaun ba kooperasaun bilaterál ne’ebé kleur ona entre Timor-Leste no Estadus Unidus, ne’ebé hahú kedas dezde Timor-Leste nia independénsia iha tinan 2002.
“Sub-Sekretáriu Hooker hato’o mensajen formál ida husi Sekretáriu Estadu Estadus Unidus nian, Marco Rubio, ho laran-kmanek hato’o parabéns ba Timor-Leste nia marku foin lalais ne’e hodi sai membru tomak ASEAN nian. Deklarasaun ne’e rekoñese dedikasaun nasaun nia vizaun ASEAN nian ba pás, estabilidade, no prosperidade no reafirma kompromisu Estadus Unidus nian ba sentralidade ASEAN nian.” Dehan Prezidente da Republika José Ramos Horta
Prezidente Ramos-Horta espresa nia apresiasaun klean ba parseria Estadus Unidus nian ne’ebé la’o hela, espesialmente subliña servisu importante iha área seguransa no defeza, kontribuisaun sira hosi Peace Corps nian, no projetu infraestrutura krítiku sira ne’ebé hala’o husi U.S. Navy Seabees
“Peace Corps no U.S. Navy Seabees sai ona hanesan parseiru instrumentál durante dékada ida liuba Ita-nia ezersísiu militár konjunta foin lalais ne’e hetan susesu no Seabees fornese formasaun ne’ebé folin-laek ba ami nia forsa defeza enkuantu harii no hadi’a infraestrutura esensiál sira hanesan eskola no klínika sira. Ha’u husu ba ami nia parseiru sira iha EUA atu kontinua investimentu vital iha programa MCC iha área xave rua: jestaun bee no edukasaun ho kualidade aas.” Dehan Prezidente da Republika
Nia informa Nu’udar resposta, Sub-Sekretáriu Hooker agradese ba Prezidente tanba fahe esperiénsia Timor-Leste nian no garante ba Prezidente katak Estadus Unidus iha kompromisu atu avansa objetivu dezenvolvimentu Timor-Leste nian liuhusi envolvimentu bilaterál ne’ebé kontinua.
“Nota katak programa ajuda sira husi EUA agora daudaun hetan hela revizaun atu hasa’e sira nia integrasaun no efikásia iha estrutura Departamentu Estadu nian.” Dehan nia
Esplika liután parte rua konkorda atu aprofunda kooperasaun ne’ebé iha ona. Estadus Unidus hatudu interese atu diskute Nota Entendimentu ida hodi aumenta asesu ba Aeródromu Baucau no atu esplora kolaborasaun ne’ebé aumenta iha setór komérsiu. Enkontru remata ho kompromisu partilhado hodi fortalese relasaun bilaterál no serbisu hamutuk besik kona-ba oportunidade sira iha futuru ne’ebé iha interese ba malu.
Reportajen : Domingas
Foto : Media PR