Dili, 20 Janeiru 2026 (Média Democracia) – Universidade Nasionál Timor Lorosa’e UNTL liuhusi Asosiasaun Akadémika Estudantil Fakuldade Siénsia Sosiais realiza Komunikadu Imprensa kona-ba Assosiasaun AVM ne’ebé utiliza Sala de Aula ida iha Kampuz FCSP hodi halo misaun hanesan setor privadu loke formasaun ba publiku. Konferensia refere hala’o iha Kampuz UNTL Caicoli Dili.
Porta-voz Alolito Noronha hateten iha kumunikadu ho razaun fundamental husi estudante FCSP UNTL, hanesan Instituisaun publiku ida harii husi povu ne’ebé kontra imperalismu no kolonialismu ne’ebé prezensa NGO ka setor privadu nu’udar alternansia hodi hegemonia ba estudante sira atu labele iha kritika ba injustisa sosial inklui atu domina fakuldade siensia sociais.
“FCSP, identiku ho kampus merah, espiritu revolusi ba kontradisaun politikas publikas ne’ebé fó sofrementu ba povu. Kada tinan-tinan universidade simu estudante ne’ebé barak la haree ba sala de aula nune’e estudante FCSP dudu malu ba sala aula hodi hala’o aprendizajen normal.” Dehan Porta-voz Alolito Noronha
Porta-voz hatutan, programa loke formasaun ne’e laiha koiñesimentu ba Dekanu Fakuldade Siensia Sosiais no Politika hodi harii edifisiu NGO nian iha Kampus FCSP no dezisaun ne’ebé Magnifiku Reitor Sr. João Soares Martins ho Decana Fakuldade FMCS, foti laiha publikasaun ba publiku atu hatene.
“Magnifiku reitor UNTL sesante no Decana Fakuldade Medisina Ciensia Saude FMCS halo kolaborasaun ho NGO sigla AVM, nu’udar traisaun espiritu kampus merah nian. Tanba ne’e ami estudante FCSP konsidera NGO Sigla AVM Presensa iha kampus ne’e ilegal ho nune’e husu ba Magnifiku Reitor foun, Joviano Antonio da Costa, atu kansela no hasai NGO ho sigla AVM husi areadores Fakuldade Siénsia Sosiais nian.” Hatutan Porta-voz
Porta-voz salient, haree ba problema ne’ebé NGO AVM mai loke formasaun iha areadores FCSP, nune’e fakuldade hodi resposta imediatamente ba Sala de Aula hodi hanorin estudante sira atu nafatin iha espiritu aprende no kritiku hodi haree ba injustisa ne’ebé buras iha estadu RDTL.
Esplika liután, ho razasaun hirak ne’ebé mensiona iha leten, atu fó hatene ba publiku katak hahu husi ohin NGO AVM ne’ebé Presenza hodi loke formasaun iha kampus Fakuldade Siénsia sei laiha aktividade, tanba estudante hotu iha Fakuldade Siénsia Sosiais Politika nia pozisaun klaru katak sei Blokeia edifisiu ida ne’e hahu husi ohin ba oin.
Reportajen : Nelfiano
Foto : Nelfiano