Dili, 19 Juñu 2025 (Média Democracia) – Estudante ativu iha Universidade Oriental Timor-Lorosa’e UNITAL realiza konferensia imprensa kona-ba intervensaun politika Deputadu Luis Roberto, Bankada KUNTO iha plenaria Parlamentu Nasional iha loron 09 fulan Juñu no 16 2025, konferensia ne’e realiza iha Universidade UNITAL, Kuarta-feira semana ne’e.
Porta-voz, Lucio Ximenes hateten, afirmasaun politika Deputadu Luis Roberto dehan ba Ministra Asuntu Parlamentar no ezersisiu husi Prezidente Parlamentu inklui deputadu seluk opozisaun, observador ba media nasional no internasional husi kanal media Parlamentu Nasional iha rai laran no rai liur inan aman sai povu ba rai doben Timor-Leste kona-ba kualidade Universidade iha Timor-Leste.
“Reniaun Plenaria Deputadu Luis Roberto kestiona Universidade privadu sira no foti UNITAL sai ba Univesdade privadu sira hotu ne’ebé laiha kualidade hanesan kualidade estudante sistema administrativu prosudor pirokrasia iha UNITAL. Ami estudante ativu hakarak husu los ba Deputadu Luis Roberto tenke aprezenta dadus no evidensia justu kriadivel ba asuntu no problema ne’ebé nai deputadu mensioan iha plenaria.” Dehan Porta-voz Lucio Ximenes
Nia hatutan Deputadu Luis Roberto hateten, Universidade UNITAL simu estudante foun la priense rekejitu hanesan diploma sekundariu maibé Universidade husu de’it deklarasaun ofisial autoridade suku. Funsionariu balun hatama estudante la tuir prosesu administrativa maibé faselita estudante ida hakat liubá semestre tolu ka lima.
“Deputadu Luis Roberto hateten, katak funsionariu balun pratika mal administrasaun no iregularidade iha UNITAL liu-liu iha Fakuldade SISPOL Departamentu Administrasaun Publika. Aleinde ne’e mós simu informsaun husi estudante no funsionariu balun iha nia rezidensia no estudante balun la eskola tama iha Universidade UNITAL hodi pasa semestre tolu ka haat hodi tuir prosesu estudu.” Dehan Porta-voz
Nia haktuir tanba ne’e estudante Universidade Oriental Timor Lorosa’e hakarak husu lolos evidensia mai husi liafuan ne’ebé Deputadu Luis Roberto koalia, ezemplu faktu ba argumentasaun politika husi Bankada KUNTO nia responsavel iha reuniaun plenaria iha Parlamentu Nasional.
“Ami estudante UNITAL hakarak esklarese deputadu Bankada KUNTO hanesan produtividade politika iha orgaun esklarese ba ligislasaun Parlamentu Nasional reprezenta povu tur iha uma-fukun Parlamentu Nasional bele responsavel nia liafuan ida Universidade privadu hanesan UNITAL laiha kualidade nomos inklui universidade privadu sira seluk.”Nia infoma
Nia relata estudante ativu hotu iha UNITAL halo obeservasaun ba Deputadu Luis Roberto laiha nesesidade produtivu ba nia povu husi sidadaun edukasaun loos no justu haree ba ligislasaun iha partidu politika KUNTO iha asuntu edukasaun. Deputadu Luis Roberto nia labele reprezenta estudante iha uma fukun tanba estudante UNITAL laos pratika politka, produtividade no produs lei ligislasaun.
“Ami estudante aprende iha Universidade Privadu UNITAL tanba kondisaun mak obriga nune’e ami hetan kualidade hanesan universidade privadu ami bele aprende Siensia Politika, Ekonomia, Diretu, Edukasaun nomos Agrikultura fornese nesesidade koiñesimentu baziku no organiku loos no justu iha siensia durante ami aprende.” Nia haktuir
Nia relata estudante ativu hato’o ezijensia ba parte sira hanesan Deputadu Luis Roberto reprezenta povu nian tur iha uma fukun Parlamentu Nasional Ensinio Superior liu-liu ANAA no Korpu Fundasaun tenke toma atensaun ba estudante nia ezijensia hotu.
“Ami estudante ativu UNITAL ezije ba Deputadu Luis Robertu tenke hatudu dadus komprovativu hanesan ema laiha diploma sekundaria bele asesu iha Universidade UNITAL no hatete katak estudante balun la tuir prosesu administrativa sira hakat semestre ida ba lima no funsionariu baluun pratika mal administrasaun.” Nia subliña
Nia afirma estudante ativu UNITAL nakloke ba estudante ne’ebé Luis Roberto uza nia kompetensia no funsaun deliberativa iha fatin publika ho estudante sira. Estudante ativa husu deputadu Luis Roberto bele defini ninia politika ida kualidade ba akademia tuir meritu modelu kualidade universidade.
“Ami estudante ativu husu ba ensinio superior nomos ANAA atu bele halo seminariu sientifiku ida bele elebora evidensia prosesu akreditasaun ba prosesu husi relatoriu anual bele konvida espesial Deputadu Luis Roberto, uza funsaun ligislativa elabora no aprova lei audiotoriu buka hatene ami estudante UNITAL no eskola privadu nia kualidade futuru di’ak iha kalae.” Nia mensiona
Nia salienta estudante ativu husu ba Ministeriu Ensino Superior no ANAA bele haree hamutuk ba problema sira ne’ebé akontese iha Universidade parte ANAA presiza justifika di’ak bainhira akontese problema tanba saida liuhusi prosesu reakreditasaun instituisional kada tinan universidade sempre hetan valor B.
Husu mós ba Fundasaun Funatil, bele haree ba problema ne’ebé akontese deputadu toka iha Parlamentu Nasional sai polimika iha Media sosial bele kontrola maximu hodi hahoris kualidade di’ak ba ema hotu-hotu iha Universidade futuru nasaun nian.
Esplika liután ho razaun hirak ne’e estudante ativu UNITAL halo Konferensia Imprensa hodi husu justifikasaun justu kreadivel ba deputadu Luis Robertu atu aprezenta faktus no evdensia no dadus mai estudante ativu iha Universidade UNITAL nomos ba Univesidade privadu sira seluk iha rai laran.
Reportajen : Nelfiano
Foto : Nelfiano