Dili, 01 Janeiru 2025 (Média Democracia) – Moris iha familia simples tenke esforsu-an hodi halo negosiu ruma nune’e bele luta ba moris no faselita oan sira nia estudu, maske hasoru dezafiu oin-oin maibé la hamate vontade atu halo negosiu fa’an manu/ayam-buras.
Etelvina Moniz hanesan nogosiante ayamg-buras ho idade 40 husi Munisipiu Bobonaru Postu-Administrativu Bobonaru Aldeia Lakutete no iha oan nain tolu (3). Nune’e nia desidi fa’an manu hodi bele haforsa ba nesesidade loron-loron nian.
“Moris iha mundu ne’e la fasil atu hetan osan nune’e ha’u desidi fa’an manu atu reforsa nesesidade uma laran nian no bele haruka oan sira ba eskola nomos osan balun ha’u uza ba halo uma, nune’e fatin ne’ebé ita atu deskansa/hamahon-an ne’e tenke seguru. Uma ne’ebé agora ha’u halo ne’e iha area tasI-tolu Dili.” Dehan Etelvina Moniz
Nia hatutan tan katak, manu ne’ebé nia fa’an ne’e hola husi lauhana hafoin nia lori mai Dili mak nia fa’an iha tasi-tolu
“Manu ne’ebé ha’u fa’an ne’e hola husi lauhana, ha’u hola manu husi lauhana ne’e hamutuk $500 dolar no ha’u kuandu fa’an hotu bele hetan to’o fali $1.000 dolar, signifika katak ha’u mana/untung mak $500 dolar. Manu ne’ebé ha’u fa’an ne’e ida ho presu $5.00 dolar, kada loron ema bele hola to’o $100 dolar tun ba kraik, maibé kuando loron boot mak ha’u fa’an ema bele hola to $200 dolar leten.” Hatutan Etelvina Moniz
Entretantu Etelvina Moniz hanesan feto ida ne’ebé iha hanoin di’ak hodi halo negosiu fa’an ayam-buras no benifisiu husi negosiu ne’e nia bele fasilita ona nia nesesidade loron-loron no balun hodi ajuda selu oan sira nia eskola, aleinde husi benifisiu seluk mós Etelvina bele halo uma di’ak ida ba nia familia sira hodi deskansa no hamahan-an ba.
Reportajen : Tomas
Foto : Tomas