Dili, 03 Abril 2025 (Média Democracia) – Asistensia Legál ba familia matebian Zezilma Verdial Gonçalves hanesan mós Defensor Públiku Eustaquio Guterres deklara prontu ona atu submete rekursus ba iha tribunal iha tempu badak nia laran, lia-hirak ne’e hato’o husi defensor Eustaquio, iha funan-buras Delta II, Díli.
Iha entrevista ho Asistensia Legál familia matebian Zizelma Gonçalves, Eustaquio Guterres hateten, hanesan asistensia Legál nomos defensor públiku prepara ona rekursus hodi hein notifikasaun husi tribunal hodi ba hatama rekursus prazu ba iha rekursu ne’e, normal 30 dias ba iha rekursus depois sei iha prosesu ba kanal hodi altera, maibé uluk ne’e prazu 15 dias, maibé prosesu kanal ne’e altera ona entaun muda fali prazu ne’e ba iha 30 dias hodi hatama rekursus.
“30 dias ne’e signifika tribunal fó tempu ba ha’u durante loron tolunulu hodi prepara ba rekursus inklui mós ba Ministeriu Publiku, ha’u sei halo koordenasaun ida ne’ebé diak ho Ministeriu Publiku haree liubá iha prosesu titular ida ne’e, no sei halo koordenasaun hodi bele hatama rekursus ba iha prosesu ida ne’ebé agora daudaun akontese ba iha matebian zezilma.” Dehan Asistensia Legál familia matebian, Eustaquio Guterres
Nia hatutan kona-ba faktus no evidensia sira ne’ebé atu aprezenta agora daudaun prepara ona no sei koalia entre defeza nian, no sira mós sei fó sai ba publiku bainhira hetan ona desizaun ba iha prosesu refere.
“Ha’u foin lee iha jornal independe iha jurista balun ne’ebé fó nia komentariu ba iha prosesu kazu ida ne’e katak prosesu ida ne’e faillansu la’ós mai husi juiz sira, maibé ida ne’e faillansu husi defeza, husi komentariu ne’e hanesan asistensia no defensor públiku ba iha familia matebian Zezilma hakarak klarifika ba iha komentariu ne’e, ha’u husu ba jurista refere karik la komprende didiak ba iha prosesu kazu ne’e la presiza atu fó komentariu, tanba ita fó komentariu ne’ebé la refleta ho prosesu refere “komentatiu arbiru” sei hamosu polemika foun iha ema barak nia le’et, tanba saida mak ha’u ko’alia dehan nia la komprende, primeiru nia la komprende prosesu ida ne’e, tanba prosesu refere mai husi sumariu ka prosesu primeiru introgatoriu nia komentariu la kona ho prosesu refere.” Hatutan Eustaquio Guterres
Nia informa iha oportunidade ida ne’e marka prezensa hanesan Defensor no Asistensia ba iha familia matebian Zezilma nian, ikus mak foin aprezenta iha tribunal kuandu sai hanesan asistensia ba iha prosesu ida la fasil hanesan jurista ne’ebé fó nia komentariu ba prosesu refere, prosesu hirak ne’e tenke tuir ninian regulamentu no regras, primeriu hakarak sai asistensia familia mak tenke ba iha Ministeriu Publiku hodi husu atu sai asistensia ba iha kazu ne’e, no tenke halo rekerementu ida ba iha tribunal hodi aseita kalae atu sai asistensia ba iha prosesu kazu refere no tribunal hatun despaxu hodi nomeia mak bele sai asistensia ba iha familia matebian.
“Ohin ha’u temi dehan ha’u sei akompaña prosesu kazu ida ne’e ikus liu, signifika prosesu ne’e sumariu nian tanba iha loron primeiru familia seidauk husu ha’u atu sai asistensia, entaun iha ne’ebá ha’u labele akompaña, maibé ha’u sei akompaña prosesu ida ikus liu hodi rona leitura, tanba ne’e familia husu ona ha’u sai asistensia legal, tan ne’e mak atu dehan sai asistensia labele koalia barak liubá iha prosesu ida ne’e, maibe ha’u nia responsabilidade agora mak tenke halo rekursus ba iha tribunal hodi foti desizaun ba iha prosesu refere, husu mós ba iha familia atu nafatin forsa hodi bele hala’o prosesu to’o hetan justisa.” Informa Eustaquio Guterres
Nia reafirma rekursus atu hatama ba iha tribunal ne’e prontu ona nomos hanesan asistensia ba iha familia matebian koordena ona ho Ministeriu Públiku atu nune’e iha tempu besik sei lori rekursus ne’ebá submete ona, prosesu sumariu ohin temi ne’e la presiza, kuandu familia la husu advogadu ka defensor ida atu sai asistensia, entaun iha momentu ne’e kedas la iha ida atu marka prezensa, maibé Ministeriu Publiku hanesan nain ba iha prosesu krime nian maka tenke marka prezensa, maibé bainhira asistensia ka defensor ne’e marka prezensa signifika familia aseita. Husu mós ba familia matebian tenke forsa nafatin hodi buka lia loos.
Reportajen : Domingas
Foto : Domingas