Dili, 01 Jullu 2025 (Média Democracia) – Iha ambitu selebrasaun aniversariu Autoridade Protesaun Sivil APC ba dala tolu, Sekretariu Estadu Protesaun Sivíl deklara nia existensia iha nasaun Timor-Leste hodi proteje sidadaun ne’ebé hetan ameasa husi dezastre naturais. Atividade selebrasaun ne’e realiza iha Edifisu APC Kaikoli Dili segunda-feira semana ne’e 30/06/2025.
Iha entrevista ho Sekretariu Estadu Protesaun Sivil, Domingos Mariano Reis hateten, agradese ba konvidadu sira no parseiru hotu nia prezensa, iha atividade selebrasaun aniversariu ezistensia ba dala tolu, hamrik hodi proteje sidadaun hotu ne’ebé amesa ba kauza dezastre, APC nia protidaun sempre prontu hodi resposta ba vitima sira husi kauza dezastre.
“Ohin selebrasaun ba ezistensia APC nian ba tinan tolu (3), APC hamrik hodi bele servi no proteje sidadaun sira hotu iha Timor-Leste, ba sira ne’ebé ameasa husi dezastre, ami nia protidaun dentru husi 24 oras sempre prontu, hodi resposta ba vitima sira husi kauza dezastre. Nunu Governu Konstituisional apoiu liuhusi ami ba implementa no ezekuta orde polítiku Nunu Governu Konstituisional, ami nia programa prioridade maka primeiru atu asegura sidadaun hotu iha Timor laran tomak, no segundu dezenvolvimentu no funsionamentu instituisional programa ne’e atu garantia poupansa orsamentu estadu liuliu ba programa prevensaun sai programa prioridade ba APC no programa edukasaun risku dezastre bazeia ba mapamentu risku dezastre iha Timor-Leste.” Dehan Sekretariu Estadu Protesaun Sivil, Domingos Mariano Reis
Nia hatutan, durante ne’e APC iha nia programa prioridade sira hodi bele haree ba iha dezastre naturais ne’ebé akontese ba komunidade sira no haree mós ba oinsa atu halo kapasitasaun ba jestor sira iha rekursus umanus hodi jere fasilidade sira iha APC.
“Antes atu haree ba iha dezastre naturais sira ne’ebé akontese ba sidadaun sira, ita mós tenke haree ba iha rekursu, haree ba nesesidade di’ak, hatene kauza dezastre, sinais dezastre no oinsa atu prevene no rekoopera, liuliu kuidadu ba iha vitima sira. Entaun jestor sira tenke iha Kapasidade Exselente, Rekurus Umanus, Finanseirus no Fasilidade sira, nune’e bele resposta ba emerjensia.” Hatutan Sekretariu Estadu Protesaun Sivil
Kapasitasaun rekursus umanus no moderniza ekipamentus APC sempre la’o etapa ba etapa. Entaun governu liuhusi APC no Ministeriu Interior tau prioridade ba dezenvolvimentu instituisional no programa kapasitasaun rekursus umanus liuhusi kooperasaun parseria no korpu diplomatiku sira no kooperasaun rejional no internasional.
Entretantu, durante ne’e Autoridade Protesaun Sivil hetan apoiu husi parseiru internasional sira hanesan, Indonesia, Japaun, Australia, Uniaun Europeia no Tailandia. APC asina kooperasaun ho nasaun Japaun hodi apoiu osan ho montante Rihun-tolu Resin dolar Amerikanu nomos kareta. Husi Uniaun Europeia apoiu osan hamutuk 620 mill dolar Amerikanu no apoiu ba kapasitasaun rekursus umanus no prevensaun edukasaun liuhusi dezastre, tarjetu liubá Munisipiu 3 hanesan Viqueque, Covalima no Manufahi, tanba mapamentu risku dezastre boot mak Munisipiu tolu ne’e.
Reportajen : Domingas
Foto : Domingas