Dili, 03 janeiru 2025 (Media Democracia) – Fransisca dos Santos ho idade (63) husi Munisípiu Ermera daudaun ne’e hela iha Munisípiu Dili Postu Administrativu Dom-Aleixu suku Comoro, aldeia Fomentu II, loro-loron sempre halo atividade negosiu ki’ik iha trotoar leten hodi responde ba nia presiza.
Tuir negosiante Fransisca dos Santos, hatete durante tinan barak nia laran moris hanesan ema negosiante hodi halo atividade negosiu ki’ik hanesan fa’an modo tahan nune’e bele hetan osan ituan hodi sustenta ba nesesidade loron-loron nian inklui haruka bei-oan sira ba iha nivel edukasaun.
“Ha’u kria negósiu ki’ik ne’e hanesan fa’an modo tahan iha trotoar leten maibé dalaruma sasan la folin tanba fahe tempu la too bainhira ba tia servisu ijreja nian entaun sasan tenke hatama ba uma laran karik fila husi igreja foin mak bele no dalaruma modo barak mak dodok soe estraga de’it tanba tempu laiha atu fa’an.” Dehan negosiante Fransisca dos Santos
Nia salienta tan katak modo tahan ne’ebé nia fa’an hanesan mostarda mutin, mostarda metan lakeru dikin, inklui fehuk dikin tanba tahan ne’ebé nia fa’an sempre hola tutan fila-fali husi ema seluk lori husi merkadu taibesi no minisipiu sira hanesan Likisa no Ainaro
“Modo tahan ne’ebé ha’u fa’an futun ida $0,50 ne’ebé loron ida dalaruma ha’u hetan too $10 dolar karik sorte aat dalaruma hetan de’it $5.00 dolar kada loron tanba iha área ida ne’e ema barak mak kria rasik negósiu ki’ik hodi sustenta ba nia presiza loro-loron nian ne’ebé sasan folin depende mós ba sorte hotu.” Dehan nia
Nia afirma modo tahan ne’ebé kada loron hola tutan husi ema seluk kada modo futun tolu 1.00 dolar maibé sei haree mos situasaun no kondisaun loro-loron nian tanba iha ema barak mak fa’an modo ka halo negosiu ki’ik tuir dalan dalan ninin maibé nia nafatin esforsu aan fa’an modo tahan tanba nia sai mós hanesan xefe familia iha uma laran nian.
Esplika kle’an liután katak inan Fransisca sai hanesan xefe familia durante tinan 28 nia laran ona tanba nia kaben mate desde 1995 tempu okupasaun Indenesia, entaun nia deside hela hamutuk ho nia oan sira too agora. Hafoin nia simu osan terseiria idade uza hodi kria negosiu ki’ik nune’e bele hetan osan hodi sustenta ba nesesidade loron-loron inklui apoiu mós bei-oan sira ba prosesu estudu.
Reportajen : Nelfiano
Foto : Nelfiano