Dili 11 Setembru 2025 (Média Democracia) – Universidade Nasionál Timor Lorosa’e (UNTL), Fakuldade Siénsia Sosias no Polítika (FCSP) liuhusi Departamento Komunikasaun Sosial realiza atividade expozisaun ba obra estudante, hodi kapasita estudante sira-nia koñesimentu no abilidade ba iha públiku kona-ba foto jornalizmu, reportagem eskrita, dezeñu grafiku, video, seminariu no talkshow.
Prezidente komisaun organizadóra expozisaun obra estudante, Apolónia Nunes, hatete objetivu husi atividade refere, atu hatudu obra estudante sira nian ba iha publiku, ne’ebé durante estudante sira hetan iha sala de aula.
“Expozisaun obra estudante, hahu kedan iha 2019 to’o ohin loron, ba ida ne’e ita realiza ba dalima, nune’e sai ona hanesan kultura ba depertamentu kominikasaun sosial UNTL, atu fo oportunidade ba estudante sira atu aprezenta sira nia obra kreatividade, liu husi pratika iha terenu no ba publiku.” Informa nia ba jornalista sira, iha FCS kaikoli, kinta (11/09).
Prezidente komisaun organizadóra haktuir atividade referidu iha programa lima, primeiru foto jornalismu hanesan Dezeñu grafiku jornál parede, segundu semináriu, terseiru Talkshow, kuartu kompetisaun no lima animasaun.
“Aleinde husi expozisaun referidu mós atu mentaliza esudante sira-nia koñesimentu hodi kontribui ba dezenvolvimentu nasionál iha rai laran”. Dehan Prezidente komisaun organizadóra
Nia Subliña atividade referida hetan kontribuisaun husi estudante sira ho orsamentu kada estudante $2.50 Centavos no hetan suporta husi Secoms, Silvia dili no alumni komunikasaun sosial UNTL rasik.
Iha fatin hanesan Vise dekanu I asuntu akademiku iha fakuldade Siénsia Sosiais no Politika, Jose da Costa Magno, agradese ba dosente sira ne’ebé forma ona estudante sira, bele produs obra.
“Ohin etapa ida ne’ebé importante tebes, ita goza ita nia produtu rasik, no ita ko’alia kona-ba kompetensia ba edukasaun, ita nia produtu sira ne’e mak sai hanesan kompetensia nune’e ema dehan ita nia produsaun ne’e mak verdade ba lialos ne’ebé, ita hatudu ba ema katak teoria ho pratika sempre lao hamutuk, se la iha teoria susar ba ita atu deskobre pratika ne’ebé mak di’ak.” Dehan Vise dekanu I asuntu akademiku iha fakuldade Siénsia Sosiais no Politika, Jose da Costa Magno,
Vise dekanu I asuntu akademiku iha fakuldade Siénsia Sosiais no Politika hatutan obra sira hanesan fotografia, artigu siéntifiku, video, ema hare hanesan bai-bain, maibe aban ema komesa lembra no bainrua sai hanesan istoria ba ema ida-idak.
“Iha ne’e komunikasaun sosial, departametu ida ne’ebé forte tebes, tanba ita foin iha doutor foun rua, hanesan doutor ida letra, ne’e hanesan ema ida ne’ebé komprende di’ak kona-ba linguistika.” Vise dekanu ne’e realsa.
Vise dekanu subliña, hanesan Primeiru Ministru Kayrala Xanan Gusmao hatete, tempu ona produs iha rai laran, atu bele hamenus importasaun.
“Ha’u fira katak komunikasaun sosial hahu ida ne’e, sira produs foto rasik, no hare situasaun sira ne’ebé uniku no situasaun sira ne’e difisil, sira halo ba video, ida ne’e ha’u fiar katak tempu ruma sei sai istoria.” Nia hatete.
Nia afirma Fakuldade iha politika ida, ba oin kada Departamentu iha salaun boot ida ho kualidade, atu bele uza tuir Universidade modernu nian.
Sekretariu estadu Komunikasaun sosial, expedito Loro dias Ximenes, konsidera obra estudante sira nian, hanesan obra ida ne’ebé marka importante ida, ba futuru atu sai reporter di’ak iha orgaun komunikasaun sosial.
“Iha mundu jornalismu fotografia bolu dehan ko’alia iha lian rihun ida, maibé se sei ita hakerek testu notisia ida atu fó sai iha jornal, radio no televizaun, nia textu bele halo meia pazina ne’e dehan liafuan atus ida de’it, maibé foto jornalismu bele lian rihun ida.” Nia informa.
Expedito realsa, governu liu husi sektetariu estadu komunikasaun sosial sei apoiu nafatin obra hirak ne’e ba oin no ba iha futuru.
Reportajen : Domingas
Foto : Domingas