Dili, 22 Janeiru 2026 (Média Democracia) – Fundasaun Hadomi Timor (FHT) servisu hamutuk ho The Asia Foundion (TAF) realiza diskusaun kona-ba esbosu lei protesaun dadus no privasidade.
Tuir Diretor ezekutivu (FHT) Abrão Monteiro ‘Nicho Linux’ hateten, prespektiva husi FHT evolusaun no mudansa teknolojia nian importansia husi esbosu lei protesaun dadus no privasidade. Nune’e bele proteje sidadaun nia direitu liu liu ba dadus sira ne’ebé husi governu ka empreza atu rekolla no jere, karik laiha esbosu ne’e entaun sira bele iha potensia boot hodi bele viola dadus ne’ebé rekolla liuhusi plataforma digital.
“Governu hahu opta ona ba iha elektroniku mbanking, ecomers, hotu-hotu harii servisu publiku sira oinsa atu bele harii konfiansa sira nian ba iha sistema tenki iha lei ida ne’ebé bele proteje sidadaun sira nia dadus.” Dehan Diretor ezekutivu (FHT) Abrão Monteiro ‘Nicho Linux’
Parte seluk tuir Diretor the Asia Foundation, Timor-Leste Dr. Heidi Arbuckle hateten, hanesan onra ida atu suporta diskusaun kona-ba esbosu lei protesaun dadus no privasidade tranjisaun digital sei oferese oportunidade boot tebes atu hadia ema nia moris.
“Esbosu lei protesaun dadus no privasidade tranjisaun digital sei oferese oportunidade boot tebes atu hadia ema nia moris no asesu ba servisu essensial sira iha tempu hanesan ne’e, maibé iha risku mós ba privasidade, nune’e tenki jere ho kuidadu.” Dehan Diretor the Asia Foundation, Timor-Leste Dr. Heidi Arbuckle.
Diretor the Asia Foundation, Timor-Leste informa tan katak, realidade ida ne’e subliña husi kuadru elektronika nian no politika ne’ebé klaru no justo, nune’e Governu halo ona esforsu balun hodi avansa ho rejistrasaun online sira hanesan dadus pessoa no iha semana kotuk The asia foundation (TAF) organiza seminariu publiku ida kona-ba harii fontes ida ba direitu digital.
Diretor ne’e esklarese tan, seminariu ne’e ho objetivu atu fornese plataforma ida ba sosiedade sivil no Governo hodi koalia kona-ba asuntu politika sira hanesan lei krime, no Governu halo ona diskusaun kona-ba oinsa atu promove Fundasaun Asia no iha komitmentu atu apoiu sosiedade sivil, media no organizasaun akademia sira.
Reportajen : Estajiadu Marito
Foto : Marito